The news is by your side.

Advertisement

خواتین نے گھر میں گھس آنے والے مگر مچھ کو کیسے باہر نکالا؟

امریکی ریاست فلوریڈا میں خطرناک جانوروں کا گھروں میں گھس آنا معمول کی بات ہے، ایسے ہی ایک واقعے میں ایک خاتون کا سامنا مگر مچھ سے ہوگیا۔

فلوریڈا کی رہائشی ایریکا ونزا نامی یہ خاتون اپنے گھر پر اکیلی تھیں اور گھر کا شیشے کا سلائیڈنگ دروازہ کھلا ہوا تھا جب اچانک ان کے کتے نے بھونک کر خبردار کیا کہ گھر میں کوئی گھس آیا ہے۔

ایریکا نے اندر جا کر دیکھا تو وہاں ایک مگر مچھ کے ننھے بچے کو ٹہلتے دیکھ کر ان کی سانس رک گئی، مگر مچھ کا 1 فٹ طویل بچہ دروازہ کھلا پا کر گھر کے اندر گھس آیا تھا۔

ایریکا نے مدد کے لیے اپنی پڑوسن کو بلایا، اس کے بعد دونوں خواتین نے خالی ڈبے رکھ کر باہر کی طرف جانے کا ایک راستہ بنا دیا۔

اس کے بعد ایریکا نے ایک پونچھے کی مدد سے مگر مچھ کو ہشکار کر باہر کا راستہ دکھایا۔

پڑوسن اس دوران اس ساری کارروائی کو سماجی رابطے کی ویب سائٹ فیس بک پر لائیو اسٹریم بھی کرتی رہی۔

20 منٹ کی کوششوں کے بعد مگر مچھ کا بچہ گھر سے باہر چلا گیا جس کے بعد خواتین نے فوراً شیشے کا دروازہ بند کیا تاکہ وہ واپس نہ آجائے۔

Comments

یہ بھی پڑھیں