The news is by your side.

Advertisement

خاتون پر تشدد کرنے والا شوہر اور دیور گرفتار، طارق روڈ سے لوٹ مار کا ملزم پکڑا گیا

کراچی : ملائیشیا سے موصول ہونے والی درخواست پر پولیس نے خاتون پر تشدد میں ملوث شوہر اور دیور گرفتار کرلیا، طارق روڈ پر مبینہ مقابلے کہ بعد پولیس نے ملزم کو زخمی حالت میں حراست میں لے لیا۔

تفصیلات کے مطابق کراچی کے علاقے کورنگی میں وومن پروٹیکشن سیل سندھ نے فوری کارروائی کرتے ہوئے خاتون پر تشدد میں ملوث اس کے شوہر اور دیور کو گرفتار کرلیا۔

مذکورہ کارروائی ملائیشیا سے موصول ہونے والی ایک درخواست پر کی گئی۔ پولیس کے مطابق وومن پروٹیکشن سیل کو ملائیشیا سے انصاف کے لئے ایک درخواست موصول ہوئی تھی ۔

ملائیشیا میں موجود فیملی کے مطابق ان کی بیٹی کراچی میں اپنے سسرال میں رہتی تھی جسے اس کا خاوند اور سسرال کے دیگر افراد تشدد کا نشانہ بنایا کرتے تھے، درخواست پر پولیس نے کارروائی کرتے ہوئے تشدد کرنے والے خاوند اور اس کے بھائی کو گرفتار کر لیا۔

دوسری جانب کراچی کے علاقے طارق روڈ پر پولیس نے مبینہ مقابلے کہ بعد ملزم کو زخمی حالت میں گرفتارکرلیا۔پولیس حکام کے مطابق ملزم فیضان عرف بھورا ساتھیوں سمیت کئی دکانوں کے تالےتوڑ کر لوٹنے کی وارداتوں میں ملوث رہا ہے ۔

اس سے قبل بھی کئی بارحوالات کی ہوا کھا چکا ہے، پولیس نے ملزم سے اسلحہ اور موٹر سائیکل برآمد کرکے اپنی تحویل میں لے لیا ہے، ملزم کے خلاف مختلف تھانوں میں پانچ مقدمات درج ہیں۔

Comments

comments

یہ بھی پڑھیں