ویمنز ورلڈ کپ میں جنوبی افریقا نے ڈی ایل ایس قانون کے تحت پاکستان کو 150 رنز کے بھاری مارجن سے شکست دے کر میگا ایونٹ سے باہر کردیا۔
کولمبو میں کھیلے گئے بارش سے متاثرہ میچ میں پاکستان کو 20 اوورز میں 234 رنز کا ہدف ملا جس کے تعاقب میں قومی ٹیم 7 وکٹوں کے نقصان پر 83 رنز بناسکی۔
سدرہ نواز 22 رنز بنا سکیں، نتالیہ پرویز 20 اور سدرہ امین 13 رنز بناسکیں۔
یہ پڑھیں: ویمنز ورلڈ کپ میں انگلینڈ کے خلاف میچ سے قبل آسٹریلیا کو دھچکا
جنوبی افریقا کی جانب سے میری زین کیپ نے تین کھلاڑیوں کو آؤٹ کیا، شانگسے نے 2 وکٹیں حاصل کیں۔
اس سے قبل جنوبی افریقا نے پہلے بیٹنگ کرتے ہوئے 40 اوور میں 312 رنز بنائے تھے۔ میری زین کیپ کو 68 رنز کی اننگز کھیلنے اور تین وکٹیں حاصل کرنے پر بہترین کھلاڑی قرار دیا گیا۔
کپتان لورا ولوردت نے 90 رنز کی اننگز کھیلی، سونی لوس 61 رنز بنا کر نمایاں رہیں۔
پاکستان کی جانب سے سعدیہ اقبال اور نشرہ سندھو نے تین، تین کھلاڑیوں کو آؤٹ کیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں