site
stats
کھیل

ویمنز ورلڈ کپ: ثناء میر کی قیادت میں قومی خواتین کرکٹ ٹیم کا اعلان

لاہور : پاکستان کرکٹ بورڈ کی ویمنز سلیکشن کمیٹی نے ورلڈ کپ کے لئے پندرہ رکنی قومی خواتین کرکٹ ٹیم کا اعلان کر دیا ہے، ثناء میر کو کپتان برقرار رکھا گیا ہے۔

تفصیلات کے مطابق پی سی بی نے جون میں شروع ہونے والے ویمنز ورلڈ کپ کیلئے قومی وومن کرکٹ ٹیم کی کھلاڑیوں کے ناموں کا اعلان کردیا ہے۔

ٹیم کی کپتان ثناء میر ہیں جبکہ ورلڈ کپ کے لئے اعلان کردہ پندرہ رکنی ٹیم کی کھلاڑیوں میں عائشہ ظفر، بیبی ناہیدہ، ماریانا اقبال، بسمہ معروف، جویریہ خان، سیدہ نین فاطمہ عابدی، وکٹ کیپر سدرہ نواز، کائنات امتیاز، اسماویہ اقبال، ڈیانا بیگ، وحیدہ اختر، نشرہ سندھو، غلام فاطمہ اور سعدیہ یوسف شامل ہیں۔

عائشہ عشر ٹیم منیجر، صبیحہ اظہر کوچ، ابرار احمد ٹرینر، محمد زبیر ویڈیو اینالسٹ اور شاہد انور بیٹنگ کوچ ہوں گے۔ یاد رہے کہ ویمنز ورلڈ کپ چوبیس جون سے چوبیس جولائی تک انگلینڈ میں کھیلا جائے گا۔

قومی ٹیم میگا ایونٹ سے قبل بیس جون کو ویسٹ انڈیز اور بائیس جون کو آسٹریلیا کے خلاف وارم اپ میچز کھیلے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top