پردیس، پردیش اور پیراڈائز ہند یورپی زبانوں کے خاندان کے مشترکہ لغت/ورثے (Common Vocabulary) میں سے ہے۔
ماہرینِ لغت کے نزدیک یہ لفظ/ ترکیب ایرانی ہے، پائریدیزا قدیم ایرانی اور اوستائی لفظ/ ترکیب ہے جس کے معنی درختوں کے جھنڈ میں گھرا ہوا باغ ہے۔
عربی زبان میں رائج لفظ "جنت” کے لغوی معنی بھی باغ کے ہیں۔ یونانی میں paradeisos، اطالوی میں paradisus، انگریزی میں Paradise، فارسی میں پردیس، سنسکرت، ہندی، اردو میں پردیس/ پردیش مستعمل ہے اور یہی لفظ/ ترکیب جب سامی النسل زبانوں یعنی عربی، عبرانی وغیرہ میں منتقل ہوا تو فردوس بنا۔
برصغیر میں صوبوں اور بعض دیگر علاقوں اور شہروں میں یہ ترکیب بطور لاحقہ موجود ہے جیسے اترپردیش، ہما چل پردیش وغیرہ۔
اردو، ہندی زبان میں ایک اور الگ لفظ/ ترکیب "پردیس” بھی موجود ہے، جس کے معنی پرے دیس یعنی دور دیس اور پرائے دیس ہے، اسی سے لفظ پردیسی بمعنی اجنبی، مسافر، غریب الوطن وغیرہ اردو میں عام طور سے استعمال ہوتا ہے۔
(ڈاکٹر تاجور کے قلم سے)
