site
stats
لائف اسٹائل

زندگی کو آسان بنانے والا لفظ

الفاظ اور لہجے ہماری زندگی میں بہت اہمیت رکھتے ہیں۔ ایک معمولی سا لفظ ہماری زندگی پر بدترین یا بہترین اثر ڈال سکتا ہے۔ آج ہم آپ کو ایسے لفظ کا جادو بتانے جارہے ہیں جس کا اثر آپ کو حیران کردے گا۔

ماہرین کا کہنا ہے کہ یہ لفظ دنیا کے ہر کامیاب شخص کی گفتگو کا حصہ ہوتا ہے۔ وہ اسے سب کے ساتھ استعمال کرتا ہے چاہے وہ اس سے بڑی حیثیت کا انسان ہو یا کمتر حیثیت کا۔

وہ لفظ ہے ’شکریہ‘۔

شکریہ ادا کرنا اور شکر گزار ہونا آپ کو ایک بہترین، نرم دل، مخلص اور مہربان شخص ظاہر کرتا ہے۔ اگر کوئی آپ کی معمولی سی مدد کر رہا ہے تو اس کا شکریہ ادا کرنا اس شخص کو آپ کی دوبارہ مدد کرنے پر مجبور کرے گا۔

یہ اصول صرف اپنے برابر یا اپنے سے بہتر حیثیت کے افراد کے لیے نہیں ہے، بلکہ اپنے سے کمتر حیثیت کے افراد جیسے ملازمین، ڈرائیورز وغیرہ سے بھی شکریہ کہنا ان کو آپ کا وفادار بنائے گا۔

یہی نہیں وہ آپ کا کام کرنے میں خوشی محسوس کریں گے اور اگر آپ کبھی ان سے اضافی کام کہیں گے تو وہ کبھی انکار نہیں کریں گے۔

اسی طرح اگر کوئی اجنبی شخص آپ کے کام آیا ہے، اس نے آپ کو راستہ دیا ہے، آپ کی گری ہوئی کوئی شے اٹھا کر دی ہے، یا آپ کے لیے اپنی جگہ خالی کی ہے تو اس کا شکریہ ادا کرنا بھی نہ صرف فرض ہے بلکہ آپ کا شکریہ اس اجنبی پر آپ کا بہترین اثر چھوڑے گا۔

اپنے دوستوں، اہل خانہ، اور دفتر کے ساتھیوں وغیرہ کا شکریہ ادا کرنا بھی آپ کے درمیان موجود تعلق کو بہتر بنائے گا اور لوگ بخوشی آپ کی مدد کرنے کو تیار ہوں گے۔

تو پھر آپ بھی اس لفظ کو اپنی گفتگو کا حصہ بنا رہے ہیں؟


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

اس ویب سائیٹ پر موجود تمام تحریری مواد کے جملہ حقوق@2017 اے آروائی نیوز کے نام محفوظ ہیں

To Top