site
stats
سندھ

بلاول اور آصف زرداری کے اعلان سے جیالے خوش

کراچی: پیپلز پارٹی کے چیئرمین بلاول اور شریک چیئرمین آصف زرداری کی جانب سے قومی اسمبلی کے اراکین بننے کے لیے الیکشن لڑنے کے اعلان نے جیالوں کو خوش کردیا، کہتے ہیں اسمبلی میں قیادت کا لیگیوں سے سامنا ہوگا۔

اطلاعات کے مطابق آج گڑھی خدا بخش میں ہونے والے پیپلز پارٹی کے جلسہ عام میں آصف زرداری اور بلاول کی جانب سے ضمنی انتخاب لڑ کر قومی اسمبلی کے ممبرز بننے کے اعلان سے پیپلز پارٹی کے کارکنان خوش دکھائی دیتے ہیں اور ان میں جوش کی ایک نئی لہر دوڑ گئی ہے۔

اطلاعات کے مطابق کارکنان کا موقف ہے کہ پیپلز پارٹی پہلے ہی قومی اسمبلی میں موجود ہے تاہم بلاول اور آصف زرداری کے اسمبلی پہنچنے سے ایوان میں موجود پی پی کی طاقت یک دم بڑھ جائے گی۔

جیالوں کا یہ بھی کہنا تھا کہ بڑے فیصلے سے جمہوریت مضبوط ہوگی لیگیوں سے اب اسمبلی میں آمنا سامنا ہوگا۔

دریں اثنا نو سال بعد بھی جیالوں کی لیڈر سے محبت کم نہ ہوئی، خواتین اور مرد کارکن ہوں یا بچے، سب ہی آج بی بی کو یاد کرتے ہیں،لیاقت باغ راولپنڈی میں بے نظیر بھٹو کے لیے قرآن خوانی کا اہتمام کیا گیا اور ننھے معصوم بچوں نے بھی دعا کی۔

سکھر میں پاکستان سوئٹ ہوم کے یتیم بچوں نے شہید بی بی کے لیے دعا ئیں کیں جہاں رہنما پیپلز پارٹی خورشید شاہ بھی موجود تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top