Working on various projects for energy production, Khawaja Asif
The news is by your side.

Advertisement

توانائی کی پیداوار کے مختلف منصوبوں پر کام جاری ہے، خواجہ آصف

اسلام آباد: وفاقی وزیر پانی وبجلی خواجہ آصف نے کہا ہے کہ روشن پاکستان کے ایجنڈے کو یقینی بنانے کے لیے توانائی کی پیداوار اور ترسیل کے مختلف منصوبوں پر کام ہورہا ہے۔

سماجی رابطے کی ویب سائٹ پر ایک ٹوئٹ میں وفاقی وزیر پانی و بجلی خواجہ آصف نے کہا کہ قومی اقتصادی کونسل کی ایگزیکٹو کمیٹی نے 47 ارب روپے سے زائد مالیت کے 2 ڈسٹری بیوشن منصوبوں اور پندرہ ارب روپے سے زائد مالیت کے تین ترسیلی لائنوں کے منصوبوں کی منظوری دی ہے۔


پڑھیں:  کراچی: 2018 میں پاکستان میں بجلی کی لوڈشیدںگ نہیں ہوگی، وزیر اعظم نواز شریف


انہوں نے کہا کہ ڈسٹری بیوشن منصوبوں میں لیسکو اور آئیسکو کے لئے جدید آٹو میٹک میٹر کے نظام جبکہ ترسیلی منصوبوں میں میرپور خاص میں220 کے وی کا گرڈ اسٹیشن، مٹیار سے لاہور تک 500 کے وی کی ترسیلی لائن اور ڈی آئی خان سے ژوب گک220 کے وی کی ترسیلی لائن شامل ہے۔

یاد رہے دو روز قبل وزیر اعظم میاں محمد نوازشریف نے ملک بھر میں لوڈشیڈنگ کم کرنے کے حوالے سے احکامات جاری کیے تھے، جس کے بعد وزیراعظم ہاؤس کے ترجمان کی جانب سے اعلامیہ جاری کیا گیا تھا کہ شہر اور دیہات میں بجلی کی لوڈشیڈنگ کے اوقات میں کمی کردی گئی ہے۔

وزیر اعظم کی ہدایت کے بعد شہر میں 6 گھنٹے کی جگہ 4 جبکہ گاؤں ، دیہاتوں میں لوڈشیڈنگ کے اوقات 8 گھنٹے سے تبدیل کرکے 6 گھنٹوں تک محیط کردییے گئے ہیں۔

Comments

comments

یہ بھی پڑھیں