نیویارک : عالمی بینک کا کہنا ہےکہ خدشات کے باوجود پاکستانی معشیت رواں سال ساڑھے چار فیصد تک رہنےکی توقع ہے۔
ورلڈ بینک کا کہنا ہے کہ پاکستان کی مجموعی معاشی صورتحال بہتر ہوئی ہے، آئندہ مالی سال معاشی ترقی کی شرح چار اعشاریہ آٹھ فیصد رہنے کی توقع ہے۔ عالمی بینک کی پاکستان ڈیولپمنٹ اپ ڈیٹ‘‘ میں کہا گیا ہے کہ پاکستان میں سروسز سیکٹر میں ترقی کی شرح بہت بہتر ہوئی تاہم صنعتی شعبے میں معمولی بہتری آئی ہے ۔
عالمی بینک کا کہنا ہے کہ پاکستان کے زرمبادلہ ذخائر بہترہوئے ہیں، رواں مالی سال میں جاری کھاتے کا خسارہ دوارب ساٹھ کروڑ ڈالر تک محدود ہوگیا جبکہ ترسیلات زر اٹھارہ ارب ستر کروڑڈالر کی ریکارڈ سطح پر آگئیں۔
پاکستان کو ٹیکس وصولی کے لیے ازسرنو کوششیں کرنے کی ضرورت ہے، رپورٹ میں براہ راست غیرملکی سرمایہ کاری میں اضافے کے لیے کوششوں پر بھی زور دیا گیا ہے.
اے آر وائی نیوز کی ڈیجیٹل ڈیسک کی جانب سے شائع کی گئی خبریں