The news is by your side.

Advertisement

عالمی بینک کے صدر رواں ماہ کے اختتام پر پاکستان کا دورہ کریں گے

اسلام آباد : رواں ماہ کے اختتام پرعالمی بینک صدر کے پاکستان آنے کا امکان ہے ، جبکہ عالمی بینک کی ا یز آف ڈوئنگ بزنس رپورٹ کااجرا 24 اکتوبر کو ہوگا ، پاکستان کی رینکنگ میں11 درجے کی بہتری آئی تھی۔

تفصیلات کے مطابق عالمی بینک کےصدر ڈیوڈ مالپس رواں ماہ کے اختتام پر پاکستان کا دورہ کریں گے، عالمی بینک کےصدر دورے میں ایزآف ڈوئنگ بزنس کیلئے حکمت عملی پر بات کی جانے کا امکان ہے۔

دوسری جانب عالمی بینک کی جانب سےاہم دوئنگ بزنس رپورٹ کا اجراء چوبیس اکتوبر کو کیا جائے گا، عالمی بینک کا کہنا ہے کہ پاکستان کا شماران بیس ممالک میں ہوتا ہے، جنھوں نےاہم اوربہتراصلاحات کئےہیں۔

عالمی بینک کے مطابق گزشتہ سال پاکستان نے ایز آف ڈوئنگ بزنس انڈیکس میں گیارہ درجے کی بہتری آئی، انڈیکس میں پاکستان کا نمبر ایک سو چھتیس واں ہے، عالمی بینک نے نو میں چھ اصلاحات پر عمل درآمد کرنے پر پاکستان کوسہراہا ہے۔

مزید پڑھیں : عمران خان حکومت کی بڑی کامیابی ، پاکستان کا نام اصلاحات کرنیوالے 20 ممالک میں شامل

یاد رہے ورلڈ بینک کے کنٹری ڈائریکٹر ایلنگو پاچماتھو نے سماجی رابطے کی ویب سائٹ ٹوئٹر پر اپنے پیغام میں کہا تھا پاکستان کا نام اصلاحات کرنیوالے20 ممالک میں شامل ہوگیا ہے ، پاکستان نے حال میں 6اہم اصلاحات کیں، یہ اہم اصلاحات ایز آف ڈوئنگ بزنس کی ضمن میں کی گئیں۔

کنٹری ڈائریکٹر کا کہنا تھا کہ عالمی بینک کی جانب سے درجہ بندی 24 اکتوبر کو جاری کی جائے گی ہم اس اجتماعی کامیابی پر مبارک باد پیش کرتے ہیں یہ اقدامات وفاق، سندھ اور پنجاب حکومت کی جانب سے لئے گئے ہیں۔

رپورٹ میں کہا گیا تھا کہ پاکستان نے ایز آد ڈوئنگ بزنس کے جن 6 اہم شعبوں میں نمایاں اصلاحات کیں ، ان میں کاروبار شروع کرنا، کنسٹرکشن پرمٹس، بجلی کنیکشنز، پراپرٹی رجسٹریشن، ٹیکسوں کی ادائیگی شامل ہے، حکومت نے اصلاحات کیلئے میں نیشنل سیکرٹریٹ بنایا ہے، اور وزیر کی زیر نگرانی کمیٹی بھی بنائی گئی ہے ، یہ اقداما ت اصلاحات کو علمی جامہ پہنانے کی لگن کے عکاس ہیں۔

Comments

comments

یہ بھی پڑھیں