رواں سال ترسیلات زر21 ارب ڈالرتک بڑھ جانے کی امید ہے، عالمی بینک کی پیشگوئی
The news is by your side.

Advertisement

رواں سال ترسیلات زر21 ارب ڈالرتک بڑھ جانے کی امید ہے، عالمی بینک کی پیشگوئی

نیویارک : عالمی بینک نے پیشگوئی کی ہے کہ رواں سال ترسیلات زر کا حجم بیس ارب نوے کروڑ ڈالر تک جاپہنچے گا اور اضافے کی شرح چھ اعشاریہ نو فیصد رہے گی۔

تفصیلات کے مطابق عالمی بینک نے ترسیلارت زر سے متعلق رپورٹ جاری کردی ، جس میں پیش گوئی کی ہے رواں سال ترسیلات زر اکیس ارب ڈالرتک بڑھ جانے کی امید ہے.

ورلڈ بینک کی ترسیلارت زر سے متعلق رپورٹ میں بتایا گیا کہ آئندہ چند برسوں تک یہ شرح برقرار رہنے کا امکان ہے، رواں سال ترسیلات زر میں چھ اعشاریہ نو فیصد کا اضافہ متوقع ہے۔

رپورٹ کے مطابق عالمی سطح پر ترسیلات زر میں ساڑھے تیرہ فیصد کا اضافہ متوقع ہے، ترسیلات زر کا حجم پانچ سو اٹھائس ارب ڈالر تک ہوجانے کا امکان ہے۔ سب سے زیادہ ترسیلات زر امریکہ اور خلیجی ممالک سے ملیں گی۔

دوسری جانب ورلڈ بینک کا کہنا ہے کہ بیرون ممالک کام کرنے والے پاکستانیوں کی تعداد میں اکتالیس فیصد کمی ریکارڈ کی گئی ہے۔

مزید پڑھیں :  اکتوبر میں ترسیلات زر 2 ارب ڈالر تک جا پہنچی: اکنامسٹ انٹیلی جنس یونٹ

یاد رہے گذشتہ ماہ اکنامسٹ انٹیلی جنس یونٹ کا کہنا تھا کہ اکتوبر میں پاکستان کی ترسیلات زر 2 ارب ڈالر تک جا پہنچی۔ دوست ممالک سے ملنے والے قرض سے ادائیگیوں کا توازن بہتر ہوجائے گا۔

رپورٹ کے مطابق گلف ممالک سے ترسیلات زر میں اضافہ ہوا ہے، سعودی عرب سے ترسیلات زر میں 7.3 فیصد کا اضافہ ہوا۔

رپورٹ میں کہا گیا کہ جاری کھاتوں کے خسارے میں ترسیلات زر سے کمی متوقع نہیں، جاری کھاتے کا خسارہ 18 ارب 30 کروڑ ڈالر رہنے کا امکان ہے۔ مالیاتی خسارہ 5.8 فیصد تک ہو جائے گا۔

Comments

comments

یہ بھی پڑھیں