The news is by your side.

Advertisement

عالمی بینک نے یوکرین کیلیے خزانے کے منہ کھول دیے

عالمی بینک یوکرین کی مدد کو آن پہنچا، روس سے جنگ میں تباہی پر ورلڈبینک نے یوکرین کے لیے بڑا امدادی پیکیج منظور کر لیا۔

بین الاقوامی میڈیا رپورٹس کے مطابق عالمی بینک کے بورڈ آف ڈائریکٹر نے یوکرین کے لیے 489 ملین ڈالرز کا سپورٹ پیکیج منظور کیا ہے۔

پیکیج میں یوکرین کے لیے 350 ملین کا ضمنی قرض اور 139 ملین ڈالرز گانٹیز شامل ہے۔ پیکیج کا مقصد روس سے جنگ میں تباہ کاریوں پر یوکرین کی امداد کرنا ہے۔

اس حوالے سے عالمی بینک کا کہنا ہے کہ سپورٹ پیکیج سے یوکرین کے لوگوں کو خدمات فراہم کرنے کا موقع ملے گا۔

یوکرین کے لیے امداد کے ڈھیر لگ گئے

واضح رہے کہ ایک جانب عالمی برداری روس پر پابندیاں عائد کر رہی ہے تو دوسری جانب امریکا، برطانیہ اور یورپی یونین سمیت کئی ممالک یوکرین کی مکمل سپورٹ کر رہے ہیں۔

امریکا کے صدر جو بائیڈن نے یوکرین کے لیے 350 ملین ڈالرز فوجی امادا کی منطوری دے دی ہے.

صدر جو بائیڈن نے محکمہ خارجہ کو ہدایت کی ہے کہ یوکرین کو امریکی اسٹاک سے 350 ملین ڈالر مالیت کے اضافی ہتھیار فراہم کیے جائیں کیوں کہ یوکرین روسی حملے کو پسپا کرنے کے لیے جدوجہد کر رہا ہے۔

دیگر ممالک نے بھی یوکرین کو فوجی سامان دینے کا وعدہ کیا ہے کیوں کہ یوکرین کی روسی فوج کے خلاف لڑ رہی ہے۔ بیلجیم نے 2,000 مشین گن اور 3,800 ٹن ایندھن دینے کا وعدہ کیا ہے۔

فرانس نے روس کے حملے کے خلاف یوکرین کو دفاعی فوجی ساز و سامان بھیجنے کا فیصلہ کیا ہے۔ فرانسیسی فوج کے ترجمان نے ہفتے کے روز کہا کہ جارحانہ ہتھیار بھیجنے کا معاملہ ابھی زیر غور ہے۔

Comments

یہ بھی پڑھیں