The news is by your side.

Advertisement

انتخابات میں کامیابی پر عمران خان کے لیے دنیا بھر کے کرکٹرز کی ستائش

اسلام آباد: عمران خان کی عام انتخابات 2018 میں کامیابی پر دنیا بھر کے کرکٹرز کی جانب سے ستائش جاری ہے، کھلاڑیوں نے نیک خواہشات کا اظہار کیا۔

تفصیلات کے مطابق کرکٹ کے میدان سے وزارت عظمی کی کرسی تک عمران خان کے سفر پر کرکٹرز کی جانب سے بھی ستائش جاری ہے، کہتے ہیں عمران خان کی محنت رنگ لے آئی اب پاکستان کرپشن سے ضرور پاک ہوگا۔

شاہد آفریدی نے عمران خان اور پی ٹی آئی کو مبارک باد دیتے ہوئے کہا ‘بلاخر 22 سال کی محنت رنگ لے آئی‘۔ جبکہ وقار یونس نے عمران خان کے حالیہ خطاب کو ‘عظیم رہنما کی خاص تقریرقرار دیا۔

سابق کرکٹر اور کمنٹیٹر رمیض راجہ کہتے ہیں عمران خان خاص ہیں اور ہمیں انکے وزیراعظم بننے پر فخر ہے۔ دوسری جانب سابق انڈین کپتان بشن سنگھ بیدی نے ٹویٹ کیا کہ ‘عمران کی کامیابی پاکستان کے لیے بہترین خبر ہے، کوئی کرکٹر عمران جیسا محنتی نہیں ہے۔

علاہوہ ازیں سابق بھارتی کپتان کپیل دیو نے بھی عمران خان کو کامیابی پر مبارک باد دی، خیال رہے کہ کرکٹرز سمیت مختلف شعبوں کی جانب سے بھی عمران خان کو مبارک باد پیش کی گئی۔

واضح رہے کہ انتخابات 2018 کے غیر سرکاری اور غیر حتمی نتائج کا سلسلہ جاری ہے، جس میں تحریک انصاف کو واضح برتری حاصل ہیں اور عمران خان وزیراعظم بننےکی پوزیشن میں ہیں۔

یاد رہے کہ قومی اسمبلی میں تحریک انصاف 115 نشستوں کے ساتھ سرفہرست ہیں جبکہ مسلم لیگ ن نے 64 اور پیپلزپارٹی نے 38 نشستیں حاصل کیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں