ساؤتھ ہمپٹن: ورلڈ کپ 2019 کے 31ویں میچ میں بنگال ٹائیگر نے افغانستان کو 62 رنز سے ہرادیا، شکیب الحسن نے میچ میں 5 وکٹیں حاصل کرنے پر میچ کے بہترین کھلاڑی قرار پائے۔
تفصیلات کے مطابق ساؤتھ ہمپٹن میں کھیلے جانے والے میچ میں بنگلہ دیش نے افغانستان کو جیت کے لیے 263 رنز کا ہدف دیا جس کے تعاقب میں افغانستان کی ٹیم 47 اوورز میں 200 رنز بناسکی، کپتان گلبدین نائب 47 رنز بنا کر نمایاں رہے۔
افغانستان نے ہدف کے تعاقب میں بیٹنگ کا آغاز کیا تو 49 رنز کے مجموعی اسکور پر رحمت شاہ 24 رنز بنا کر پویلین لوٹ گئے، حشمت اللہ شاہدی 11 رنز بنا کر اسٹمپڈ آؤٹ ہوئے۔
محمد بغیر کوئی رن بنائے شکیب الحسن کا نشانہ بنے، اصغر افغان نے 20 رنز بنائے، وکٹ کیپر اکرام الخئی 11 رنز بنا کر رن آؤٹ ہوئے، نجیب اللہ زردارن 23 رنز پر وکٹ گنوا بیٹھے۔
راشد خان 2 اور دولت زردارن بغیر کوئی رن بنائے پویلین لوٹ گئے۔
Shakib's figures today were the best ever recorded by a Bangladeshi player in a World Cup match 🙌 #CWC19 | #RiseOfTheTigers pic.twitter.com/jv7LKmj93Q
— Cricket World Cup (@cricketworldcup) June 24, 2019
شکیب الحسن نے شاندار آل راؤنڈ کارکردگی کا مظاہرہ کرتے ہوئے میچ میں 5 وکٹیں حاصل کیں، مستفیض الرحمان نے دو جبکہ مصدق حسین نے ایک وکٹ حاصل کی۔
اس سے قبل ساؤتھ ہمپٹن میں کھیلے جانے والے میچ میں بنگال ٹائیگر نے مقررہ اوورز میں 6 وکٹوں کے نقصان پر 262 رنز بنائے اور افغانستان کو جیت کے لیے 263 رنز کا ہدف دیا، اسپنر مجیب الرحمان نے تین وکٹیں حاصل کیں۔
افغانستان نے ٹاس جیت کر بنگلہ دیش کو پہلے بیٹنگ کی دعوت دی، بنگلہ دیش کی پہلی وکٹ 23 رنز پر گری جب لٹن داس 16 رنز پر بنا کر پویلین لوٹ گئے، تمیم اقبال 36 رنز بنا کر آؤٹ ہوئے۔
Afghanistan will need 263 to win at the Hampshire Bowl.
Mujeeb Ur Rahman took 3/39 from his 10 overs while Mushfiqur Rahim and Shakib Al Hasan both continued their good form, each scoring half-centuries. #CWC19 | #BANvAFG | #RiseOfTheTigers | #AfghanAtalan pic.twitter.com/MywvVyn4RP
— Cricket World Cup (@cricketworldcup) June 24, 2019
شکیب الحسن 69 گیندوں پر 51 رنز بنا کر مجیب الرحمان کا نشانہ بنے، سومیا سرکار 3 رنز بنا کر چلتے بنے، محمود آباد 27 رنز بنا کر پویلین لوٹ گئے۔
وکٹ کیپر مشفیق الرحیم نے 83 رنز کی شاندار اننگز کھیلی انہیں دولت زردارن نے آؤٹ کیا، مصدق حسین 35 رنز بنا کر آؤٹ ہوئے، محمد سیف الدین ا2 رنز بنا کر ناٹ آؤٹ رہے۔
افغانستان کے آف اسپنر مجیب الرحمان نے تین کھلاڑیوں کو پویلین کی راہ دکھائی، کپتان گلبدین نائب نے دو وکٹیں حاصل کیں، دولت زردارن اور محمد نبی نے ایک، ایک وکٹ حاصل کی۔
واضح رہے کہ میگا ایونٹ میں بنگال ٹائیگر نے دو میچز میں کامیابی حاصل کی ہے اور ایک میچ بارش کی نذر ہوا تھا، بنگلہ دیش کے 5 پوائنٹس ہیں، جبکہ افغانستان کی اب تک کوئی میچ نہیں جیت سکی ہے۔
