The news is by your side.

Advertisement

اسٹوکس نے سپر اوور سے پہلے کہا ہم جیت چکے، جوفرا آرچر

لندن: انگلینڈ کی کرکٹ ٹیم کو عالمی چیمپئن بنانے میں اہم کردار ادا کرنے والے باؤلر جوفرا آرچرا نے ورلڈکپ فائنل میچ کے حوالے سے بیان دیا۔

انگلینڈ کی جانب سے سپر اوور کروانے والے باؤلر نے میڈیا سے گفتگو کرتے ہوئے کہا کہ اوور کرانے سے قبل بین اسٹوکس میرے پاس آئے اور کہا کہ مجھے بہت خوشی ہورہی ہے کہ ہم جیت گئے۔

جوفرا کا کہنا تھا کہ بین اسٹوکس نے آخری اوور کرانے سے قبل حوصلہ افزائی کی اور میرے قریب آکر انہوں نے کہا کہ ہمیں شکست یا فتح کچھ بھی ملنے کی صورت میں بطور کھلاڑی تمھاری تعریف نہیں ہوگی کیونکہ یہ ٹیم ورک ہے۔

مزید پڑھیں: اوور تھرو تنازع: ’’بین اسٹوکس نے امپائر کو 6 رنز نہ دینے کا مشورہ دیا‘‘

آرچر کا کہنا تھا کہ ’’اسٹوکس نے مجھے بولا ہر کسی کی طرح مجھے بھی تمھاری پر یقین ہے ، اسی دوران کپتان بھی میرے پاس آئے تو اسٹوکس نے اسی دوران کہا کہ اگر ہم ہار بھی گئے تو اختتام نہیں ہوگا‘‘۔

فاسٹ باؤلر کا کہنا تھا کہ ’’اسٹوکس نے بولا مجھے بتاتے ہوئے خوشی ہورہی ہے کہ اب ہم جیت گئے ہیں‘‘۔ جوفرا کے بیان کے بعد ایک نئی بحث چھڑ گئی کیونکہ ورلڈکپ 2019 کا میچ برابر ہونے کے بعد سپر اوور میں چلا گیا تھا جس میں دونوں ٹیموں نے برابری کا مقابلہ کیا تو چیمپئن کا فیصلہ باؤنڈریز کی بنیاد پر کیا گیا۔

کرکٹ پر نظر رکھنے والے ماہرین کا ماننا ہے کہ جوفرا نے یہ بات اس انداز سے کہی کیونکہ بین اسٹوکس کے اوور کی وجہ سے انگلینڈ کو ٹی ٹوینٹی ورلڈکپ میں شکست کا سامنا کرنا پڑا تھا، آرچر کی کارکردگی کو دیکھتے ہوئے اسٹوکس نے جیت کی نوید سنائی تھی جو یقینی نہیں تھی۔

یہ بھی پڑھیں: بھائی کا قتل ہونے کے باوجود آرچر نے ہمت نہ ہاری اور ٹیم کو فاتح بنایا

میچ میں انگلینڈ کی ٹیم نے نیوزی لینڈ سے زیادہ باؤنڈریز لگائی تھیں، آئی سی سی قوانین کے تحت انگلینڈ کو فاتح قرار دیا گیا۔

Comments

comments

یہ بھی پڑھیں