حیدرآباد: ورلڈ کپ کے چھٹے میچ میں نیوزی لینڈ نے نیدرلینڈز کو 99 رنز سے شکست دے دی۔
حیدرآباد میں کھیلے گئے میچ میں نیوزی لینڈ کی جانب سے دیے گئے 323 رنز کے تعاقب میں نیدرلینڈز کی ٹیم 46.3 اوورز میں 223 رنز پر ڈھیر ہوگئی۔
کولن ایکرمین 69 رنز کی اننگز رائیگاں گئی، کپتان اسکاٹ ایڈورڈز 30 رنز بنا کر پویلین لوٹ گئے۔
اوپنر وکرم جیت سنگھ کو میٹ ہینری نے 12 رنز پر بولڈ کیا، تیجا ندامنرو 21 رنز بنا کر آؤٹ ہوئے، سیبرنڈ نے 29 رنز کی اننگز کھیلی۔
نیوزی لینڈ کی جانب سے مچل سینٹنر نے پانچ کھلاڑیوں کو پویلین کی راہ دکھائی، میٹ ہینری نے تین وکٹیں حاصل کیں۔
اوپنر ول ینگ نے 70 رنز کی ذمہ دارانہ اننگز کھیلی، راچن رویندرا 51 اور کپتان ٹام لیتھم 53 رنز کے ساتھ نمایاں رہے۔
View this post on Instagram
ڈیرل مچل نے 48 رنز بنائے جبکہ مچل سینٹنر نے 17 گیندوں پر 36 رنز کی برق رفتار اننگز کھیلی۔
View this post on Instagram
نیدرلینڈز کی جانب سے وین ڈر مروو، آریان دت اور وین میکرین نے دو، دو وکٹیں حاصل کیں۔
View this post on Instagram
واضح رہے کہ ریگولر کیوی کپتان کین ولیمسن آج کا میچ بھی نہیں کھیل رہے ہیں اور اس میچ میں بھی قیادت کے فرائض ان کے نائب وکٹ کیپر بیٹر ٹام لیتھم انجام دے رہے ہیں جب کہ گروئن انجری کا شکار وین بیک کی ڈچ ٹیم کو خدمات حاصل نہیں ہیں جب کہ نیدر لینڈ کی ٹیم میں دو تبدیلیاں بھی کی گئی ہیں۔
رواں ورلڈ کپ میں نیوزی لینڈ نے افتتاحی میچ میں دفاعی چیمپئن انگلینڈ کو یکطرفہ مقابلے کے بعد شکست دی تھی جب کہ نیدر لینڈ پاکستان سے میچ ہار چکا ہے۔
آج کے میچ کے لیے دونوں ٹیمیں ان کھلاڑیوں پر مشتمل ہیں۔
نیوزی لینڈ ٹیم:
ٹام لیتھم (کپتان)، ڈیون کانوے، ول ینگ، ریچن رویندرا، ڈیرل مچل، گلین فلپس، مارچ چیمپن، مچل سینٹر، لوکی فرگوسن، میٹ ہنری، ٹرینٹ بولٹ۔
نیدر لینڈ ٹیم:
اسکاٹ ایڈورڈ (کپتان)، وکرم جیت سنگھ، میکس اوڈوڈ، کولن ایکرمن، بیس ڈی لیڈے، تیجا نیدامنرو، سائبرانڈ اینگل اور ریلوف وین ڈر، ریان کلین، آریان دت، پال وین میکرین
