najam-sethi ورلڈ الیون میچز: عمران خان ودیگرکھلاڑیوں کو مدعوکیا ہے، نجم سیٹھی
The news is by your side.

Advertisement

ورلڈ الیون میچز: عمران خان ودیگرکھلاڑیوں کو مدعوکیا ہے، نجم سیٹھی

لاہور : چیئرمین پی سی بی نجم سیٹھی نے کہا ہے کہ ورلڈ الیون کے میچز میں کسی سیاسی شخصیت کودعوت نہیں دی، سیاست کو کھیل سے الگ رکھنا چاہتا ہوں تاہم عمران خان سمیت سابق کھلاڑیوں کودعوت دی ہے لیکن ابھی انہوں نے آنے سے متعلق آگاہ نہیں کیا ہے۔

ان خیالات کا اظہار انہوں نے اے آر وائی نیوز کے پروگرام سوال یہ ہے میں میزبان ماریہ میمن سے خصوصی گفتگو کرتے ہوئے کیا۔ نجم سیٹھی نے کہا کہ بھارت سے تعلقات جیسے ہی اچھے ہونگے ان سے میچز بھی ہوجائیں گے۔

بی سی سی آئی سے کہا تھا کہ میچز کھیلنے کو تیار ہیں لیکن بی سی سی آئی تعاون نہیں کر رہا، بھارت نے ہم سے دو سیریز نہیں کھیلیں، ان سے70ملین ڈالر مانگے ہیں، اسی وجہ سے ان پر معاوضے کے لیے آئی سی سی میں کیس کیا ہوا ہے۔

اس کے علاوہ بی سی سی آئی نیوٹرل وینیو پر بھی ہم سے کھیلنے کو تیار نہیں۔ پاک افغان حکومتوں کے معاملات کااثر کرکٹ پرپڑرہاہے، نومبرمیں ویسٹ انڈیزکی ٹیم پاکستان آئیگی۔

پی ایس ایل کے حوالے سے ان کا کہنا تھا کہ عوام کی حمایت سے پی ایس ایل فائنل لاہور میں ہوا، کوشش ہے کہ پی ایس ایل کےچار میچز کراچی اور چار لاہور میں ہوں، اس کے علاوہ ہماری یہ بھی کوشش ہے2019کا پی ایس ایل بھی پاکستان میں ہی ہو۔

کراچی میں سیف سٹی پراجیکٹ ہونا چاہئے، کراچی بہت محفوظ شہر ہے، اگلےپی ایس ایل کے دو یا چار میچ کراچی میں کرانے کیلئےپرعزم ہوں۔

ایک سوال کے جواب میں انہوں نے کہا کہ ورلڈ الیون میں جنوبی افریقہ کی ٹیم کے ٹاپ5کھلاڑی ہیں، وکٹ اچھی ہے، دونوں ٹیموں کے بالرز تگڑےہیں، بڑےاسکور والے میچز کی توقع ہے، ورلڈالیون میچز کے بعد جنوبی افریقہ کو آنےمیں مسئلہ نہیں ہوگا۔

چیئرمین پاکستان کرکٹ بورڈ کا مزید کہنا تھا کہ پی ایس ایل کی فرنچائز کے کیمپس پاکستان میں ہی لگ رہےہیں، ڈسپلن، فٹنس بہت ضروری ہے، ڈسپلن پرسمجھوتہ نہیں ہوگا پوری توجہ ڈومیسٹک کرکٹ کو مضبوط کرنے پر ہے، اسکول کرکٹ شروع کردی ہے۔

Comments

comments

یہ بھی پڑھیں