اس سال طویل ترین اور مختصر ترین روزے کن ممالک میں ہونگے -
The news is by your side.

Advertisement

اس سال طویل ترین اور مختصر ترین روزے کن ممالک میں ہونگے

کراچی : رمضان المبارک کا آغاز ہوچکا ہے، رمضان المبارک اہلِ ایمان کے لیے بڑا بابرکت اور رحمتوں بھرا مہینہ ہے۔اس ماہِ معظم میں مومن کا رزق بڑھا دیا جاتا ہے۔ نیکیوں کے ثواب میں اور دنوں کی بہ نسبت اضافہ کر دیا جاتا ہے۔

دنیا بھر میں موجود ممالک میں روزے کی طوالت بھی مختلف ہوتی ہے۔ موسم گرما میں ماہ صیام کی آمد سے دنیا کے بیشتر خطوں میں روزے کا دورانیہ طویل ترین ہوگا، رواں سال دنیا میں سب سے مختصر دورانیے اور سب سے طویل روزے کن ممالک میں ہونگے۔

RAMZAN 04

اس ماہ مبارک میں مسلمان اللہ کی خوشنودگی کے لیے روزے رکھیں گے، دنیا بھر میں سب سے زیادہ طویل روزہ یورپی ملک آئس لینڈ کے مسلمان رکھیں گے، جو بائیس گھنٹے کا ہوگا،دوسرے نمبر پر سوئیڈن ہے جہاں روزوں کا دورانیہ تقریبا اکیس گھنٹے 58 منٹ ہوگا ڈنمارک میں روزے کا دورانیہ 21گھنٹوں اور ناروے میں روزہ اوسطاً 20گھنٹے پر محیط ہوگا۔

مختصر ترین روزہ وسطی امریکہ کے ملک چلی میں ہوگا۔ جو ساڑھے گیارہ گھنٹے کا ہوگا۔

RAMZAN 05

نیدرلینڈز اور بیلجئم میں ساڑھے 18گھنٹے، اسپین میں ساڑھے 17گھنٹے، بھارت 17 گھنٹے، انگلینڈ اور جرمنی میں ساڑھے 16گھنٹے جبکہ امریکہ، فرانس ، اٹلی اور مصر میں اوسطاً 16گھنٹے طویل ہوگا۔

بحرین، سعودی عرب، تیونس اور فلسطین میں روزہ 15گھنٹے طویل ہوگا، یمن میں 14گھنٹے 50منٹ، قطر میں 14گھنٹے40منٹ، کویت، عراق، شام ، مراکش، الجیریا، لیبیا اور سوڈان میں روزہ 14گھنٹے طویل ہوگا، برازیل میں 11گھنٹے جبکہ میکسیکو میں 13گھنٹے اور 20منٹ کا روزہ رکھا جائے گا۔

RAMZAN 01

دبئی میں روزے کا دورانیہ 14گھنٹے 51منٹ ہوگا جبکہ پاکستان میں روزے 15گھنٹے 42 منٹ کے ہوں گے۔

ماہرین کا کہنا ہے کہ شمالی نصف کرہ ارض کے ممالک میں نہ صرف گزشتہ 33سال سے طویل ترین روزہ ہوگا بلکہ موسم بھی شدید گرم ہو گا، سورج چونکہ شمالی نصف کرہ ارض کے اوپر سے گزرے گا اس لیے جنوبی نصف کرہ میں شدید سردی کا موسم ہو گا اور روزے کا دورانیہ بھی انتہائی کم ہوگی۔

Comments

comments

یہ بھی پڑھیں