جینیوا: ورلڈ ہیلتھ آرگنائزیشن(ڈبلیو ایچ او) نے ’’کوویڈ 19 یکجہتی رسپانس فنڈز‘‘ شروع کرنے کا اعلان کردیا۔
تفصیلات کے مطابق عالمی ادارہ صحت نے کروناوائرس سے لڑنے کے لیے خصوصی رسپانس فنڈز شروع کرنے کا اعلان کیا ہے جس کے تحت متاثرہ ممالک کی مدد کی جائے گی۔
سربراہ ڈبلیوایچ او ڈاکٹر ٹیڈروس نے کہا ہے کہ کروناوائرس سے 123ممالک متاثر ہوچکے ہیں، 132000سے زائد کیس ڈبلیوایچ او کو رپورٹ ہوئے، کرونا کے باعث5 ہزارافراد کی موت افسوسناک ہے، یورپ کروناوائرس کا مرکز بن چکا ہے۔
انہوں نے بتایا کہ ہر شخص کو اپنے اور دوسروں کی حفاظت سے متعلق جاننا ضروری ہے، ہم نے 56ممالک میں حفاظتی سامان بھیج دیا، 28 کو جلد بھیجا جائے گا۔
ان کا مزید کہنا ہے کہ یہ ایک نیا وائرس اور نئی صورتحال ہے، ہم سب اس سے سیکھ رہے ہیں، ہم سب کو مل کر انفیکشن کو کم سے کم کرنے کے طریقے تلاش کرنے ہوں گے، آپ اس کی منتقلی کو روک نہیں سکتے مگر اسے کم کرکے جانیں بچاسکتے ہیں۔
ڈبلیو ایچ او کی جانب سے حکومتوں، کاروباری افراد اور عام افراد کے لیے اہم مشورے
پہلامشورہ: تیاری کرو اور تیار رہو
دوسرامشورہ: علامات اور حفاظت کے بارے میں جانیں اور علاج کریں
تیسرامشورہ: کروناوائرس کی منتقلی کو کم سے کم کریں
چوتھامشورہ: سیکھیں اور اختراع کریں
