The news is by your side.

Advertisement

سربراہ عالمی ادارہ صحت کا ٹرمپ کو منہ توڑ جواب

واشنگٹن: عالمی ادارہ صحت کے سربراہ ڈاکٹرٹیڈروس نے ٹرمپ کے فنڈنگ روکنے کے فیصلے پر ردعمل دیتے ہوئے کہا ہے کہ مشکلات کے باوجود ڈبلیو ایچ او تنظیم اپنا کام جاری رکھے گی۔

تفصیلات کے مطابق اپنے ایک بیان میں ڈاکٹر ٹیڈروس کا کہنا تھا کہ امریکی انتظامیہ کی ڈبلیو ایچ او کی مالی اعانت روکنے پر افسوس ہے، تنظیم کی مالی امداد بند کرنے کے امریکی فیصلے سے کام متاثر ہوں گے، اس کے باوجود ہم اپنا کام جاری رکھیں گے، عالمی وبا کو روکنے کے لیے ہر ممکن کوشش کررہے ہیں۔

انہوں نے کہا کہ کروناوائرس کو شکست دینے کے لیے بین الاقوامی تعاون ناگزیر ہے، چین نے حمایت کا یقین دلایا جس پران کا شکریہ ادا کرتے ہیں، کروناوائرس سے پوری دنیا کو مل کر لڑنا ہوگا۔

چین کا ٹرمپ کے عالمی ادارہ صحت کی امداد روکنے سے متعلق اہم بیان

ان کا مزید کہنا تھا کہ یہ وقت سیاست یا ایک دوسرے پر تنقید کا نہیں، کروناوائرس سے لوگوں کو محفوظ رکھنے کے لیے مل کر کام کرنا ہوگا، اونچ نیچ اور مشکلات کے باوجود ہم اپنے عزائم سے پیچھے نہیں ہٹ سکتے۔

دوسری جانب چینی وزارت خارجہ کے ترجمان نے امریکی صدر ٹرمپ کی جانب سے عالمی ادارہ صحت کی امداد روکنے کے اعلان پر ردعمل کا اظہار کرتے ہوئے کہا کہ عالمی بحران میں ڈبلیوایچ اوجیساکردارکوئی اور ادانہیں کر سکتا امریکا کی عالمی ادارے کی امداد روکنے کافیصلہ عالمی تعاون پر اثر اندا ز ہوگا۔

Comments

یہ بھی پڑھیں