The news is by your side.

Advertisement

عالمی رہنماؤں کی دنیا بھر کے مسلمانوں کو عید کی مبارکباد

کراچی : عیدالفطرکے موقع پرعالمی رہنماؤں نے دنیا بھر کے مسلمانوں کو عید کی مبارکباد ددی ہے، کینیڈین وزیراعظم جسٹن ٹروڈو کا کہنا ہے کہ کینیڈا اوردنیا بھر کے مسلمانوں کو رمضان المبارک کے اختتام پرعید کی مبارکباد دیتا ہوں۔

تفصیلات کے مطابق سعودی عرب سمیت مشرق وسطیٰ کے کئی ممالک میں اور برطانیہ، فرانس، بیلجئیم سمیت یورپ بھر میں آج عید الفطر منائی جا رہی ہے اس موقع پر عالمی رہنماؤں نے دنیا بھر کے مسلمانوں کو عید کی مبارکبادد دی۔

سعودی عرب کے بادشاہ شاہ سلمان نے مسلم دنیا کوعیدالفطرکی مبارکباد دی اور دعا کی کہ ہر جگہ مسلمانوں کے حالات بہتر ہوں۔

برطانوی وزیراعظم ٹیریزا مے نے مسلمانوں کوعید کی مبارکباد دیتے ہوئے کہا کہ برطانیہ کی ترقی میں برطانوی مسلمانوں کی خدمات کو فراموش نہیں کر سکتے۔

کینیڈا کے وزیراعظم جسٹن ٹروڈو سماجی رابطے کی ویب سائٹ ٹوئٹر پر اپنے پیغام میں کہا کینیڈا اور دنیا بھر کے مسلمانوں کو رمضان المبارک کے اختتام پرعید کی مبارکباد دیتا ہوں۔

جسٹن ٹروڈو کا کہنا تھا کہ مسلم کمیونٹی کی کینیڈا کو مضبوط بنانے کی خدمات کو سراہنے کی ضرورت ہے۔

نوبل انعام یافتہ ملالہ یوسفزئی نے بھی اپنے ٹوئٹر پیغام میں کہا کہ میری جانب سے دنیا بھر میں رہنے والی میری تمام بہنوں اور بھائیوں کو عید کی مبارکباد۔

امریکی وزیرخارجہ مائیک پومپیونے پیغام میں کہا کہ دنیا بھر کے مسلم ممالک کے ساتھ مضبوط تعلقات پر امریکا کو فخر ہے۔

لندن کے میئر صادق خان نے بھی مسلمانوں کو رمضان المبارک کے اختتام پر عید کی مبارک دی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں