The news is by your side.

Advertisement

ملیریا سے بچاؤ کا عالمی دن آج منایا حارہا ہے

اسلام آباد : پاکستان سمیت دنیا بھر میں آج ملیریا سے بچاؤ کا عالمی دن منایا جا رہا ہے، اس دن کا مقصد عوام میں ملیریا سے بچاﺅ اوراس کے متعلق پیدا شدہ خدشات اورغلط فہمیوں کے متعلق آگاہی فراہم کرنا ہے۔

بدقسمتی سے آج بھی پاکستان کا شمار ملیریا کے حوالے دنیا کے حساس ترین ممالک میں کیا جاتا ہے، ملیریا اینو فلیس نامی مادہ مچھر کے ذریعے پھیلنے والا متعدی مرض ہے۔ جس کا جراثیم انسانی جسم میں داخل ہو کر جگر کے خلیوں پر حملہ آور ہوتا ہے۔

طبی ماہرین کے مطابق بخار، کپکپی، سرد درد، متلی، کمر اور جوڑوں میں درد ملیریا کی بنیادی علامات ہیں۔ طبی ماہرین کا کہنا ہے کہ ملیریا کی بروقت تشخیص اور علاج نہ ہونے کی صورت میں یہ مرض جان لیوا ہو سکتا ہے.

ڈائریکٹوریٹ آف ملیریا کنٹرول پاکستان کے سربراہ کا کہنا ہے کہ ملیریا سے متعلق عوامی شعور اجاگر کر کے مرض پر قابو پانے میں خاطر خواہ کامیابی مل سکتی ہے.

طبی ماہرین کے مطابق احتیاط علاج سے بہتر ہے، صفائی ستھرائی کا مناسب خیال رکھنے سمیت بعض احتیاطی تدابیر اختیار کی جائیں تو ملیریا سے بچاؤ ممکن ہے.

ملیریا سے بچاؤ کے عالمی دن کےحوالے سے ملک بھر میں محکمہ صحت اور سماجی تنظیموں کے زیر اہتمام سیمینار، واک، مذاکرے اور مختلف پروگرام ترتیب دیئے جائیں گے۔

Print Friendly, PDF & Email

Comments

comments

یہ بھی پڑھیں