تازہ ترین

جھنجھٹ تو ہے، مگر دل چسپ! ذرا یہ سات نام لکھ کر دیکھیے

ارضیات اور جغرافیہ کے ماہرین نے زمین کے طول و عرض، خشکی اور سمندر سے متعلق حقائق اور اعداد و شمار اکٹھے کرنے کے بعد بالآخر اپنی دانش کے مطابق اسے بحر و برّ میں تقسیم کر دیا، لیکن یہ معاملہ آج بھی ایک جھنجھٹ ہی ہے۔

‘‘برّ’’ وہ لفظ ہے جو خشکی کے لیے بولا جاتا ہے جب کہ ‘‘اعظم’’ کا مطلب بڑا ہے۔ یوں برِّاعظم سے مراد ہے خشکی(زمین) کا بہت بڑا ٹکڑا جسے انگریزی زبان میں Continent کہتے ہیں۔

ہمیں معلوم ہے کہ دنیا سات برِّاعظموں پر مشتمل ہے جن کے نام ایشیا، یورپ، افریقا، انٹارکٹیکا، آسٹریلیا، شمالی امریکا اور جنوبی امریکا ہیں، لیکن اس میں بھی جھگڑا ہے۔ ماہرینِ ارضیات کے بعض گروہ کا ماننا ہے کہ دنیا پانچ برِّاعظموں پر مشتمل ہے۔

اگر اب آپ اس دل چسپ جھنجھٹ میں پڑنا چاہتے ہیں تو گوگل پر اولمپک تنظیم کا پرچم دیکھیے۔

اولمپک کا باوقار نشان بھی پانچ دائروں پر مشتمل ہے اور یہ کھیلوں کی دنیا میں پانچ برِّاعظموں کی نمائندگی کی علامت ہے۔

اب ایک دل چسپ انکشاف کی طرف چلتے ہیں۔

ذرا ایک صفحے پر انگریزی زبان میں برِّاعظموں کے نام تو لکھیے۔

آپ کو یہ جان کر حیرت ہو گی کہ جس حرف سے کسی برِّاعظم کا نام شروع ہو رہا ہے، وہی اس کا آخری حرف بھی ہے۔

Comments

- Advertisement -