The news is by your side.

Advertisement

وزیراعظم عمران‌ خان کے ‘احساس ایمرجنسی کیش پروگرام’ کا عالمی میڈیا بھی معترف

واشنگٹن : عالمی میڈیا بھی وزیراعظم عمران‌ خان کے احساس ایمرجنسی کیش پروگرام کا معترف ہوگیا، امریکی نشریاتی ادارے نے وفاقی حکومت کے عوامی ریلیف کیلئے احساس ایمرجنسی کیش پروگرام کی تعریف کرتے ہوئے کہا پروگرام پاکستانی تاریخ میں معاشرتی تحفظ کاسب سے بڑا منصوبہ ہے۔

تفصیلات کے مطابق عمران خان کی حکومت کے احساس ایمرجنسی کیش پروگرام کو عالمی میڈیا میں بھی پذیرائی ملی اور امریکی نشریاتی ادارے نے اس حوالے سے رپورٹ شائع کردی۔

امریکی نشریاتی ادارے رپورٹ میں لکھا کہ پاکستان نےاپنی تاریخ میں معاشرتی تحفظ کا سب سے بڑاپروگرام شروع کردیا ہے، کورونا وائرس کےدوران لاک ڈاؤن کا مقابلہ کرنے کیلئے پاکستان اپنے غریب شہریوں میں تقریباً ایک ارب ڈالر تقسیم کرے گا۔

سی این این نے لکھا ثانیہ نشتر کے مطابق منصوبے کے تحت ایسے شہریوں کی مدد تک پہنچاجائےگا جوموجودہ حالات میں سب سے زیادہ متاثر ہوئے ہیں۔ منصوبے کے تحت ایک کروڑ بیس لاکھ خاندانوں کی مدد کی جائےگی تاکہ وہ اشیائے خورونوش حاصل کرسکیں۔

سی این این نے لمز کے پروفیسر کا حوالہ دیتے ہوئے کہا اتنے بڑے منصوبےکی تکمیل کیلئے پاکستان کا فلاحی ڈھانچہ پاکستان کو دیگر ترقی پذیرممالک کے مقابلے میں زیادہ فائدہ دے گا۔

سی این این نے لکھا ایک سینئر صحافی نےپروگرام اہم قراردیا اور کہا پاکستان میں غریب روزانہ کی بنیاد پر کماتے اور خرچہ چلاتے ہیں، جس دن ان کی کمائی نہیں ہوتی اس دن کو کھانا نہیں ملتا، پروگرام اگرکامیابی سےپایہ تکمیل تک پہنچا تویہ ان لوگوں کونہایت ضرورت مدد فراہم کرے گا۔

گذشتہ روز احساس ایمرجنسی کیش پروگرام کےتحت مستحقین کیلئے ادائیگیوں کاآغاز کیا گیا تھا ، پروگرام کےتحت ایک کروڑ بیس لاکھ خاندانوں کو ماہانہ بارہ ہزار روپے دیئے جا رہے ہیں، پروگرام میں ملک بھرکےمستحقین میں 144 ارب روپےتقسیم کئےجائیں گے۔

وزیراعظم کی معاون خصوصی ڈاکٹر ثانیہ نشتر کا کہنا تھا کہ احساس پروگرام میں ایک دن میں 49.2ارب روپے بینکوں کو منتقل کر دئیے، روزانہ لاکھوں پیغامات مستحق افراد تک پہنچائے جا رہے ہیں ، ڈھائی ہفتے میں ساری رقم بینکوں کےحوالے کر دیں گے۔

fb-share-icon0
Tweet 20

Comments

comments

یہ بھی پڑھیں