اچھی تصاویر کھینچنا ایک فن ہے لیکن ذرا سی کوشش سے یہ مہارت حاصل کی جاسکتی ہے، آج کل ویسے بھی سوشل میڈیا کا اور ڈیجیٹل دور ہے اور ہر شخص کو اچھی تصاویر کھینچنی آنی چاہئیں جنہیں وہ سوشل میڈیا پر اور پیشہ وارانہ امور میں استعمال کرسکے۔
آج یہاں آپ کو اچھی تصویر کھینچنے کے لیے چند عام ہدایات بتائی جارہی ہیں جنہیں اپنا کر آپ ایک معمولی تصویر کو بھی بہترین تصویر بنا سکتے ہیں، یہ ہدایات تصویر کھینچتے ہوئے اور اپنی کھنچواتے ہوئے دونوں مواقع پر استعمال کی جاسکتی ہیں۔
بازو کھول کر کھڑے ہونا
تصویر بنواتے وقت اس بات کو یقینی بنائیں کہ آپ کے بازو کھلے ہوں۔ اگر بازو پیچھے کی جانب یا لٹکے ہوئے ہوں گے تو یہ تصویر اچھی نہیں لگے گی اور دیکھنے والے کو محسوس ہو گا کہ تصویر بنواتے وقت آپ پر سکون نہیں تھے۔
چہرہ دائیں جانب
مختلف سائنسی تحقیقات سے یہ بات ثابت ہوچکی ہے کہ ذہنی دباؤ کے اثرات چہرے کے بائیں طرف زیادہ واضح ہوتے ہیں لہٰذا ممکن ہے کہ اگر آپ سیدھی گردن کے ساتھ تصویر اتروائیں گے تو ایسا محسوس ہوگا کہ شاید آپ ذہنی تناؤ کا شکار ہیں۔
تصاویر بنواتے وقت اپنے چہرے اس طرح رکھیں کہ دایاں رخ زیادہ نمایاں ہو۔
اس کا ایک اور بڑا فائدہ یہ ہے کہ اگر آپ ذہنی تناؤ یا پریشانی کا شکار ہیں تو اس پوز میں کسی کو علم نہیں ہوگا کہ آپ کسی مشکل میں مبتلا ہیں۔
کیمرے کے لینز کے اوپر دیکھیں
جب بھی تصویر بنوائیں تو اس بات کا خاص خیال رکھیں کہ آپ کو کیمرے کے لینز کے تھوڑا سا اوپر دیکھنا ہے۔
کبھی بھی لینز کی جانب براہ راست مت دیکھیں کیونکہ اس طرح آپ کی تصویر ٹھیک نہیں آئے گی۔ جو شخص تصویر بنا رہا ہو اس کی جانب بھی دیکھا جا سکتا ہے۔
جسم کو ایک جانب رکھیں
تصاویر بنواتے وقت ہمیشہ اپنے جسم کو ہلکا سا ایک جانب رکھیں کیونکہ اس طرح آپ سمارٹ نظر آئیں گے۔
میک اپ کے بغیر تصاویر
کوشش کریں کہ تصاویر بنواتے وقت میک اپ کا استعمال کم سے کم کیا جائے کیونکہ اس طرح آپ کا چہرہ برا لگے گا، اگر آپ کو پروفیشنل فوٹو شوٹ میں حصہ لینا ہو تو یہ علیحدہ بات ہے لیکن عام تصاویر میں میک اپ سے اجتناب کریں۔
لپ سٹک کا استعمال
یہ بات خواتین کے لیے ضروری ہے کہ وہ تصاویر بنواتے ہوئے لپ سٹک یا لپ گلوز کا استعمال کریں کیونکہ بعض اوقات تصاویر میں ہونٹ خشک نظر آتے ہیں اور تصاویر بری لگتی ہیں۔
مسکرائیں
جب بھی تصاویر بنوائیں تو اس بات کو یقینی بنائیں کہ آپ مسکرا رہے ہیں اور کبھی بھی چہرے پر تناؤ یا تھکاوٹ کے آثار ظاہر نہ ہونے دیں۔
مزید پڑھیں: بہترین گروپ فوٹو کھینچنا سیکھیں
مزید پڑھیں: تصاویر کو خوبصورت بنانے والی کیمرا ٹرکس
