The news is by your side.

Advertisement

آج سینڈوچ کا دن کیوں منایا جارہا ہے؟

کیا آپ جانتے ہیں دنیا بھر میں آج سینڈوچ ڈے منایا جارہا ہے؟

سینڈوچ کا دن منانے کا مقصد یہ ہے کہ بغیر کسی اہتمام کے آسانی سے کھائی جانے والی اس شے کی افادیت اجاگر کی جائے جو مضر صحت بھی نہیں اور کام میں مصروف افراد کی بھوک مٹانے کے لیے آسان ترین شے ہوسکتی ہے۔

اس کی خاص بات یہ ہے کہ اسے آپ چلتے پھرتے، کام کرتے ہوئے باآسانی کھا سکتے ہیں۔

سینڈوچ کا دن منانے کا آغاز کس نے اور کب کیا، یہ کہنا مشکل ہے، ممکن ہے کہ کسی سینڈوچ شاپ نے اپنی سینڈوچز کی تشہیر کے لیے اس دن کو منانے کا اعلان کیا ہو جو چند سال میں پوری دنیا میں پھیل گیا۔

البتہ خود سینڈوچ کی تاریخ نہایت دلچسپ ہے، دنیا بھر میں مشہور یہ ڈش حادثاتی طور پر ایجاد ہوئی تھی

سنہ 1700 عیسوی میں انگلینڈ کے شاہی خاندان کا ایک شخص جسے ارل آف سینڈوچ کا خطاب دیا گیا تھا، جوے کا بے حد شوقین تھا۔

وہ جوے کا اس قدر دھتی تھا کہ چاہتا تھا کہ کھانے کے دوران بھی اسے جوے سے ہاتھ نہ روکنا پڑے، چنانچہ اس کے حکم پر ڈبل روٹی کے درمیان گوشت اور سبزیاں رکھ کر ایک ڈش تیار کی گئی جسے کھاتے ہوئے بھی وہ کھیل سکے۔

اس کے نام پر سینڈوچ مشہور ہونے والی یہ شے جلد ہی عوام و خواص میں مقبول ہوگئی اور آج ہر شخص سینڈوچ کھانا پسند کرتا ہے۔

Comments

یہ بھی پڑھیں