قومی ٹیم ورلڈ ٹی ٹوئنٹی کھیلنے کیلئے آج بھارت جائے گی -
The news is by your side.

Advertisement

قومی ٹیم ورلڈ ٹی ٹوئنٹی کھیلنے کیلئے آج بھارت جائے گی

اسلام آباد : بھارتی حکومت کی سیکیورٹی کی یقین دہانی کے بعد وزیر داخلہ چوہدری نثار نے پاکستان کرکٹ ٹیم کو ورلڈ ٹی ٹوئنٹی کے لئے بھارت جانے کی اجازت دے دی۔

تفصیلات کے مطابق افواہیں دم توڑ گئیں اورخوشخبری آگئی۔ بھارتی سیکرٹری داخلہ نے پاکستانی ہائی کمشنر کو ٹیم کی مکمل سیکیورٹی کی یقین دہانی کرادی ہے۔

وفاقی وزیر داخلہ چوہدری نثار نے پاکستان کرکٹ ٹیم کو بھارت بھیجنے کا گرین سگنل دے دیا۔ قومی ٹیم ورلڈ ٹی ٹوئنٹی کھیلنے کے لئے بھارت جائے گی۔

نجم سیٹھی کا کہنا ہے کہ بھارت نے درکار سیکیورٹی کی ضمانت دی ہے۔ بھارت کی تحریری یقین دہانی کے بعد وزیرداخلہ چوہدری نثارنے سعودی عرب میں وزیراعظم نواز شریف کو ٹیلیفون کیا اور پھر چئیرمین پی سی بی شہریار خان سمیت اعلٰی آفیشلز سے مشاورت کی۔

مشاورت کے بعد ٹیم کو آج رات کو ہی بھارت کیلئے روانہ کیا جائے گا، امید ہے کہ قومی ٹیم بھارت میں ورلڈ ٹی ٹوئنٹی میں عمدہ کارکردگی کا مظاہرہ کرے گی۔

 

Comments

comments

یہ بھی پڑھیں