The news is by your side.

Advertisement

ورلڈ ٹی ٹوئنٹی : نیوزی لینڈ نے بھارت کو سینتالیس رنزسے شکست دیدی

ناگپور: ایشیا کےشیر ورلڈ ٹی ٹوئنٹی میں ڈھیر ہوگئے، ورلڈ ٹی ٹوئنٹی کےافتتاحی میچ میں کیویز نے بھارت کوسینتالیس رنز سے شکست دےدی۔

تفصیلات کے مطابق نیوزی لینڈ نےبھارت کےارمانوں پرپانی پھیردیا، نیوزی لینڈ کیخلاف فتح کیلئے ترستابھارت اس بار بھی خالی ہاتھ رہا۔

ناگپورمیں کھیلے گئے ورلڈکپ سپر 10 مرحلے کے پہلے میچ میں نیوزی لینڈ نے بھارت کو جیت کیلئے 127 رنز کا ہدف دیا جس کے جواب میں بھارت کی پوری ٹیم 79 رنز پر پویلین لوٹ گئی۔

مارٹن گپٹل نے ورلڈٹی ٹوئنٹی کا آغاز ایشون کوچھکالگاکرکیا۔ اگلی ہی گیندپرایشون نے گپٹل کوچلتاکردیا۔ بھارتی بولرزکی تیزاورگھومتی گیندوں پرکیوی بلےباز کھل کرنہ کھیل سکےاوروکٹیں گرنےکاسلسلہ جاری رہا۔

کین ولیمسن کی قیادت میں کیوی ٹیم سات وکٹوں پر ایک سو ستائیس رنزبناسکی۔ جواب میں نیوزی لینڈ کے اسپنرزکےجال نےبیٹنگ لائن میں بھارتی بلے بازوں کے بڑےبڑےناموں کاپول کھول دیا۔

دھونی کے آؤٹ ہوتے بھارتی شائقین کے امیدوں کے چراغ بھی گل ہوگئے۔ کیوی بولرزنے اناسی رنزپربھارت کاڈبہ گول کرکے بھارت کو ٹی ٹوئنٹی تاریخ میں دوسرےکم ترین پرآؤٹ کیا۔ مچل سینٹنرمیچ کے بہترین کھلاڑی قرارپائے۔

 

Print Friendly, PDF & Email

Comments

comments

یہ بھی پڑھیں