فلائنگ کار کے بعد دنیا کی پہلی اڑنے والی بائیک تیار کرلی گئی اور اس کی کامیاب آزمائشی پرواز بھی ہوئی ہے۔
امریکا میں 12 روزہ ڈیٹرائٹ آٹو شو میں اس بائیک کو پہلی بار منظرِ عام پر لگایا گیا جسے دیکھ کر ہر کوئی حیران رہ گیا۔ اسے ایک جاپانی کمپنی نے متعارف کروایا ہے۔
خبر رساں ایجنسی رائٹرز نے آٹو شو میں بائیک کی کامیاب آزمائشی پرواز کی ویڈیو شیئر کی جس میں ایک شخص کو بائیک پر بیٹھ کر اڑان بھرتے، اسے ہوا میں چلاتے اور پھر لینڈنگ کرواتے ہوئے دیکھا جا سکتا ہے۔
This is the world's first flying bike. The XTURISMO hoverbike is capable of flying for 40 minutes and can reach speeds of up to 62 mph pic.twitter.com/ZPZSHJsmZm
— Reuters (@Reuters) September 16, 2022
یہ 40 منٹ تک اڑنے کی صلاحیت رکھنے کے ساتھ ساتھ 62 میل فی گھنٹہ کی رفتار سے فاصلہ طے کر سکتی ہے۔ بائیک جاپان میں فروخت کے لیے دستیاب ہے جبکہ اگلے سال امریکا میں بھی اس کی فروخت شروع ہو جائے گی۔
آٹو شو میں موجود لوگوں کو اپنی آنکھوں پر یقین نہ آیا۔ انہیں لگا کہ وہ کوئی خواب دیکھ رہے ہیں۔ جاپانی کمپنی کی کاوش سے اڑنے والی بائیک اب ایک حقیقت بن چکی ہے۔