The news is by your side.

Advertisement

زیر آب ولاز، رنگ برنگی مچھلیوں کے ساتھ رہنے کے لئے انوکھی رہائش گاہ

مالدیپ : دنیا کے پہلے زیر آب ولاز اور رنگ برنگی مچھلیوں کے ساتھ رہنے کے لئے انوکھا رہائش تیار  کر لی گئی، جو گمشدہ براعظم اٹلانٹس کا نمونہ لگتا ہے۔

تفصیلات کے مطابق مالدیپ کے رنگولی آئی لینڈ کے ساحل پر انوکھے ولاز تیار کئے گئے ہیں، یہ ولاز زمین پر نہیں بلکہ زیر آب ہیں، یہ زیرآب رہائشگاہ سمندر کی تہہ میں 16.4 فٹ گہرائی میں واقع ہے۔

ولاز کی دیواریں شفاف فائبر گلاس سے تیار کی گئی ہیں، ان دیواروں کے ذریعے سمندر کے نیلگوں پانی میں تیرتی ہوئی مچھلیوں کا نظارہ کیا جاسکتا ہے، اس ہوٹل ایک رات کا کرایہ صرف 50ہزار ڈالرز ہے۔

یہ انوکھے ولاز گمشدہ براعظم اٹلانٹس کا نمونہ لگتے ہیں، ان دو منزلہ ولاز میں گیارہ افراد کے رہنے کی گنجائش موجود ہے، ان کی چھت سطح آب پر جبکہ اس کی دونوں منزلیں زیر آب ہیں۔

ان انوکھے ولاز میں جدید طرز کے کنگ سائز بیڈرومز ہیں، جن میں ایئر کنڈیشن ، انٹرنیٹ ،ٹی وی اور پرائیوٹ پورچز سمیت ہر وہ سہولت میسر کی گئی ہئے جبکہ مواصلات کے جدید ترین ذرائع بھی موجود ہیں، ان تک آنے جانے لئے لانچ استعمال ہوں گی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں