The news is by your side.

Advertisement

دنیا کا سب سے وزنی آم کتنے پاؤنڈ کا ہے؟ نیا ریکارڈ بن گیا، ویڈیو دیکھیں

بگوٹا : کولمبیا کے کاشت کاروں نے 9.36پاؤنڈ کے آم کی کاشت کرکے دنیا کا سب سے بڑا آم پیدا کرنے کا دعویٰ کیا ہے، اس سے قبل سال2009 میں یہ اعزاز فلپائن میں اگائے جانے والے 7.57پاؤنڈ کے آم نے لیا تھا۔

کولمبیا کے کاشت کاروں کی جوڑی نے9.36 پاؤنڈ آم کی افزائش کرکے گنیز بک کا سابقہ ریکارڈ توڑ دیا، باریرا اور رینا ماریہ مروکون نے گائیاٹا کے بوائکا علاقے میں سان مارٹن فارم میں مذکورہ آم کی افزائش کی۔

میڈیا سے گفتگو کرتے ہوئے بریرا نے کہا کہ یہ آم دوسرے آموں کی نسبت بہت تیزی سے بڑھ رہا تھا تو ان کی بیٹی نے تجویز دی کہ آم کی کٹائی اور وزن کے بعد یہ آم ایک نیا عالمی ریکارڈ ثابت ہوسکتا ہے۔

ان کا کہنا تھا کہ گینز ورلڈ ریکارڈز کے اس اعزاز کے ساتھ ہمارا مقصد دنیا کو یہ دکھانا ہے کہ کولمبیا میں ہم جیسے دیہی علاقوں سے محبت کرنے والے محنتی لوگ ہیں، یہاں پھلوں کی پیداوار بہت زیادہ ہوتی ہے۔

واضح رہے کہ9.36پاؤنڈ کے اس آم نے دنیا کے سب سے زیادہ وزن کا گینز ورلڈ ریکارڈ کا اعزاز حاصل کیا ہے قبل ازیں فلپائن میں 2009 میں اگائے جانے والے 7.57پاؤنڈ کے آم نے لیا تھا۔

گنیز ورلڈ ریکارڈ کے مطابق اس سے پہلے سال 2009 میں سب سے وزنی آم تقریبا ساڑھے تین کلو ( 3.435) کا تھا جو لمبائی میں 30.48 سینٹی میٹر تھا اور اس کا گھیر یا دائرہ 49.53 سینٹی میٹر اور عرض 17.78 تھا۔

Comments

یہ بھی پڑھیں