ہوائی میں دنیا کا سب سے بڑا فعال آتش فشاں پھٹ پڑا، جس کے بعد علاقے میں آگ کا ایک دہشت ناک سمندر اُبل پڑا۔
میڈیا رپورٹس کے مطابق ہوائی میں دنیا کا سب سے بڑا آتش فشاں ’ماؤنا لو‘ گزشتہ 40 برسوں میں پہلی بار پھٹ پڑا ہے، سوشل میڈیا پر سامنے آنے والی ویڈیوز اور تصاویر میں اس کی دہشت ناکی کو دیکھا جا سکتا ہے۔
امریکی میڈیا کا کہنا ہے کہ آتش فشاں کا لاوا شمال مشرقی رفٹ زون میں بہتا رہے گا اور گیسز کے اخراج کا سلسلہ بھی جاری ہے، ہوائی کے بگ آئی لینڈ اور اس کے آس پاس کے سمندری جزیروں میں رہائشیوں کو خبردار کر کے الرٹ جاری کر دیا گیا۔
River of lava moving at an incredible speed in Puna, Hawaii#volcano #hawaii #eruption #MaunaLoa #bigisland
— ▓ MIИИΞДPФLIS 2074⠐❌ (@Minneapolis420) November 28, 2022
ماؤنا لو آخری بار مارچ اور اپریل 1984 میں پھوٹا تھا، جس کے لاوے نے ہیلو شہر کے پانچ میل کے علاقے کو متاثر کر دیا تھا۔
🚨#BREAKING: World’s largest active volcano Mauna Loa has started to erupt in #Hawaii for the first time since 1984 pic.twitter.com/AL8KrHLzol
— Breaking News 24/7 (@Worldsource24) November 28, 2022
امریکی جیولوجیکل سروے نے اپنی ویب سائٹ پر کہا کہ اس وقت لاوے کا بہاؤ چوٹی کے علاقے میں موجود ہے اور اس سے نیچے کی ڈھلوان والی آبادیوں کو خطرہ نہیں، تاہم اگر لاوے نے پہاڑ کے دہانے تک محدود نہ رہ کر اس کی دیواریں توڑ دیں تو پھر اس کا بہاؤ تیزی سے آبادیوں کی طرف ہو جائے گا۔
جیولوجیکل سروے کی ایک ترجمان مائل کاربیٹ نے کہا ’’آتش فشاں میں پھٹاؤ کب تک جاری رہے گا، اور کیا یہ لاوا آبادی والے علاقوں میں بہنے کا سبب بن سکتا ہے، اس کی پیش گوئی کرنا ناممکن ہے، تاہم میں آپ کو بتا سکتی ہوں، ہم اس وقت ہوائی سول ڈیفنس کے ساتھ مسلسل رابطے میں ہیں، اور وہ کمیونٹی کے اراکین کو اپ ڈیٹ فراہم کر رہے ہیں۔‘‘
