دنیا کے طویل ترین قرآن پاک کا نسخہ تیار -
The news is by your side.

Advertisement

دنیا کے طویل ترین قرآن پاک کا نسخہ تیار

قاہرہ : قرآن پاک کی محبت میں سرشار مصری خطاط نے دنیا کے میٹر طویل قرآن پاک کا نسخہ تیار کرلیا ہے۔

مصر کے خطاط نے ہاتھ سے دنیا کے طویل ترین قرآن مجید کا نسخہ تیار کیا، مصر کے سعد محمد نے رسمی تعلیم حاصل نہیں کی مگر قرآن پاک سے عقیدت میں انہوں نے اپنے خرچے پر تین سال کی مسلسل محنت کے بعد قرآن پاک کی ایک ایسی جلد تیار کی ہے، جو اب تک کا سب سے طویل قرآن پاک ہونے کا اعزاز رکھتا ہے۔

انتہائی پیچیدہ فنکاری سے آراستہ یہ ہینڈ سکرول سات سو میٹر طویل ہے، جو ایسے کاغذ پرلکھا گیا ہے جسے لپیٹا بھی جاسکتا ہے۔

سعد محمد کا کہنا ہے کہ وہ قرآن پاک کے اس نسخے کو گنیز ورلڈ ریکارڈ میں دنیا کے سب سے بڑے قرآن مجید کے نسخے کے طور پر شامل کرانا چاہتے ہیں۔

مصری خطاط سعد محمد اپنے آبائی علاقے بلقینا میں اسلامی خطاطی کرتے ہیں۔

خیال رہے اس سے قبل 2012 میں افغانستان میں قرآن کی ایک جلد شائع کی گئی جو کہ مکمل طور پر ہاتھ سے لکھی گئی تھی۔ اس کی لمبائی 2.2 میٹر اور چوڑائی 1.55 میٹر ہے۔ اس کے 218 صفحات ہیں، اس کا وزن 500 کلوگرام ہے اور اسے بنانے میں 5 سال لگے۔


مزید پڑھیں : خانہ کعبہ کی تصویر پیش کرتا قرآن کا قدیم نسخہ


گینیز بک کے مطابق دنیا کا قدیم ترین قرآن مشاف آف عثمان ہے جو کہ سنہ 655 میں تیار کیا گیا تھا اور اسلام کے تیسرے خلیفہ حضرت عثمان کے استعمال میں تھا۔ اب یہ705 صفحات کو ازبکستان سے بڑی حفاظت سے رکھا گیا تھا۔

Comments

comments

یہ بھی پڑھیں