site
stats
عالمی خبریں

دنیا کی طویل ترین اور سب سے گہری ریلوے سرنگ کا افتتاح

سوئٹزرلینڈ میں دنیا کی سب سے گہری اور طویل ترین ریلوے سرنگ کا افتتاح ہوگیا، ستاون کلومیڑ طویل سرنگ شمالی اور جنوبی یورپ کو ملائے گی۔

گوٹہارڈ ریل لنک نامی سرنگ سوئٹزر لینڈ کے شہر زیورخ سے لے کر لوگانو تک بنائی گئی ہے، سرنگ کی تعمیر بیس سال میں مکمل ہوئی، سرنگ الپس کے پہاڑی سلسلے سے گزرے گی۔

tunnel-post-5

سوئٹزر لینڈ میں تیار کی گئی دنیا کی سب سے لمبی اور سب سے گہری اس ریلوے سرنگ کی تعمیر پر 12 ارب ڈالر سے زائد لاگت آئی ہے ۔ سرنگ کی تیاری میں 2600 مزدوروں نے حصہ لیا ۔ اس دوران حادثات میں نو مزدور ہلاک بھی ہوئے ۔

tunnel-post-3

سوئس حکام کا کہنا ہے کہ اس سرنگ سے یورپ کی مال برداری کے میدان میں انقلاب آئے گا ،جرمن چانسلر اینجلا مرکل ، فرانسیسی صدر فرینکوئس اولاند ، اٹلی کے وزیرِ اعظم میٹیو رینزی سمیت یورپ کے کئی رہنما سرنگ کا دورہ کریں گے۔

tunnel-post-4

سن 1992ء میں سوئس لوگوں نے ووٹنگ کے ذریعے ایلپس کے آر پار ایک ہائی سپیڈ ریل کے منصوبے کی تعمیر کی منظوری دی تھی۔لیکن اس منصوبے کی راہ میں کئی چیلنج حائل تھے۔

اس سرنگ نے لمبائی میں جاپان کی سائیکان سرنگ کو پیچھے چھوڑ دیا ہے جس کی لمبائی 53.9 کلو میٹر ہے۔ اسی طرح 50.5 کلو میٹر لمبی سرنگ یورو ٹنل جو برطانیہ کو فرانس سے ملاتی ہے اب تیسرے نمبر پر آ جاتی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top