The news is by your side.

Advertisement

پاکستانی ریسلر انعام بٹ رشتہ ازدواج میں منسلک

گوجرانوالہ: پاکستان کے لیے عالمی سطح پر کئی گولڈ میڈل جیتنے والے معروف ریسلر انعام بٹ رشتہ ازدواج میں منسلک ہوگئے۔

تفصیلات کے مطابق پاکستان کے لیے عالمی سطح پر کئی گولڈ میڈل جیتنے والے معروف ریسلر انعام بٹ شادی کے بندھن میں بندھ گئے۔

انعام بٹ کی اہلیہ خدیجتہ الکبری ان کی کزن ہیں، شادی کے موقع پر انعام بٹ نے کالے رنگ کی شیروانی زیب تن کی ہوئی تھی۔

انعام بٹ کی شادی کی تقریب گزشتہ شب گوجرانوالہ میں منعقد ہوئی جس میں ملک کے نامور پہلوانوں، عزیز و اقارب اور دوستوں نے بڑی تعداد میں شرکت کی۔

شادی کی تقریب میں ڈھول کی تھاپ پر بھنگڑے ڈالے گئے اور گھوڑوں کا رقص بھی کیا گیا جبکہ انعام بٹ کے دوستوں نے نوٹ بھی نچھاور کیے۔

پاکستانی پہلوان انعام بٹ کا کہنا تھا کہ وہ بہت خوش ہیں، ساؤتھ ایشین گیمز میں جیتا گیا میڈل دلہن کو منہ دکھائی میں دیں گے۔

واضح رہے کہ اس سے قبل انعام بٹ اپنی مہندی کی تقریب میں شاہانہ انداز میں گھوڑے پر سوار ہوکر تقریب میں پہنچے تھے۔

یاد رہے کہ انعام بٹ نے گزشتہ سال دسمبر میں نیپال میں ہونے والے ساؤتھ ایشین گیمز میں ریسلنگ کے مقابلے میں گولڈ میڈل حاصل کیا تھا۔

اس سے قبل اکتوبر 2019 میں قطر میں ہونے والے اینوک ورلڈ بیچ گیمزمیں انہوں نے سونے کا تمغہ جیتا تھا جسے انہوں ںے کشمیری عوام کے نام کردیا تھا۔

fb-share-icon0
Tweet 20

Comments

comments

یہ بھی پڑھیں