The news is by your side.

Advertisement

معروف ریسلر کی پراسرار موت، تصدیق ہوگئی

نیویارک: امریکا کے معروف ریسلر اور اداکار اسٹیو لی کی اچانک پراسرار موت نے مداحوں کو غمزدہ کردیا۔

بین الاقوامی میڈیا رپورٹ کے مطابق ٹی این اے سے وابستہ معروف امریکی ریسلر اور اداکار اسٹیو لی کا انتقال بدھ کے روز ہوا جس کی اہل خانہ نے آج دو روز بھی تصدیق کی ہے۔

رپورٹ کے مطابق 54 سالہ ریسلر کی موت کی تاحال کوئی وجہ سامنے نہیں آسکی مگر اس بات کی تصدیق ہوئی ہے کہ انہوں نے گھر پر ہی دم توڑا۔

اسٹیو لی کی وجہ شہرت ریسلنگ تو ہی تھی مگر جب انہوں نے 2010 میں ریلیز ہونے والی ہالی ووڈ کی مزاحیہ فلم جیکیس تھری ڈی میں اداکاری کے جوہر دکھائے تو اُن کی شہرت کو چار چاند لگ گئے۔ اسٹیو لی ریسلنگ کے میدان میں ’پیٹ آف دا سائیکو ڈوارف‘ کے نام سے مشہور تھے۔

معروف ریسلر کی موت کے حوالے سے گزشتہ دو روز سے قیاس آرائیاں جاری تھیں البتہ اُن کے اہل خانہ نے اس معاملے پر مکمل خاموشی اختیار کی ہوئی تھی، اسٹیو لی کے مداح دعا گو تھے کہ یہ خبر غلط اور جھوٹی ہو۔

اب اہل خانہ کی جانب سے موت کی تصدیق کے بعد اُن کے مداح ، ساتھی فنکار اور ریسلرز غمزدہ ہوگئے ہیں۔

Comments

یہ بھی پڑھیں