The news is by your side.

Advertisement

 رانگ نمبرنے باکس آفس پرنامعلوم افراد کو پیچھے چھوڑدیا

اے آروائی فلمز کے بینر تلے عید الفطر پر ریلیز ہونے والی فلم ’رانگ نمبر‘ تمام تر ریکارڈ توڑتے ہئے بلاک بسٹر فلمز کی فہرست میں تیسرے نمبر پر آگئی ہے۔

پاکستان میں فلم انڈسٹری تیزی سے ترقی کے مراحل طے کررہا ہے اور اس میں ’اے آر وائی فلمز‘ کا قابلِ قدر حصہ ہے۔

پاکستان کی تاریخ میں آل ٹائم بلاک بسٹر فلم ’وار‘جو کہ اے آر وائی فلمز اور مانڈوی والا انٹرٹینمنٹ کے بینر تلے ریلیز ہوئی تھی 23 کروڑ کے ساتھ پہلے نمبر پر ہے۔

waar

ہدایت کار سید نور کی لاجواب پیشکش ’چوڑیاں‘ 20 کروڑ روپے بزنس کرکے دوسرے نمبر ہے۔

گزشتہ ماہ عیدالفطر کے دن ریلیز ہونے والی فلم’رانگ نمبر‘ نے ایک ماہ کے قلیل عرصے میں 13 کروڑ روپے کا بزنس کرکے باکس آفس رینکنگ میں تیسرے نمبر پر اپنی جگہ بنالی ہے۔

wrong number

فلمی ناقدین کی جانب سے رانگ نمبر کا مقابلہ کچھ عرصہ قبل ریلیز ہونے والی فلم ’نامعلوم افراد‘ سے کیا جارہاہے جو کہ باکس آفس پر 12.25 کروڑ کا بزنس کرپائی تھی۔

رانگ نمبر کے ساتھ ریلیز ہونے والی فلم ’بن روئے‘ 9.6 کروڑ روپے کا بزنس کرپائی جبکہ ’کراچی سے لاہور‘ نامی فلم نے 6.75 کروڑ روپے کا بزنس کیا ہے۔

اس سے قبل کافی عرصہ پہلے شہرت پانے والی دو فلمیں ’بول‘ 12 کروڑ روپے کا بزنس کرپائی تھی جبکہ ’خدا کے لئے‘ نے 6.5 کروڑ کا بزنس کیا تھا۔

Comments

comments

یہ بھی پڑھیں