The news is by your side.

Advertisement

جرمنی: جنگ عظیم دوّم کا 250 کلو وزنی بم پھٹ گیا

برلن : جرمنی کے ریگنبرگ میں دوسری عالمی جنگ کے زمانے کا بم برآمد ہوا ہے، جو عوام کے مذکورہ علاقے سے نکلتے ہی زور دار دھماکے سے پھٹ گیا۔

تفصیلات کے مطابق جنگ عظیم دوّم کے دوران امریکا کی جانب جرمنی پر برسائے جانے والے بم اب بھی ملک کے مختلف علاقوں سے وقتاً فوقتاً برآمد ہورہے ہیں جو جرمن عوام کے مسلسل خطرے کا باعث بنے ہوئے ہیں۔

غیر ملکی خبر رساں ادارے کا کہنا ہے کہ آج بھی جرمنی کے شہر ریگن برگ کے زیر تعمیر عمارت کی سائٹ سے ڈھائی سو کلو وزنی بم برآمد ہوا ہے جسے امریکی فضائیہ نے دوسری عالمی جنگ کے دوران شہر پر گرایا تھا لیکن وہ پھٹ نہ سکا تاہم آج بدھ کو زور دار دھماکے سے پھٹ گیا۔

غیر ملکی خبر رساں ادارے کا کہنا ہے کہ امریکی ایئرفورس کی جانب سے گرایا گیا 250 کلو وزنی بم، اس وقت پھٹا جب 4500 شہریوں کو محفوظ مقام پر منتقل کیا جاچکا تھا۔

غیر ملکی خبر رساں ادارے کا کہنا تھا کہ دھماکے کے نتیجے میں قریبی عمارتوں کو بھی نقصان پہنچا اور کھڑکیوں کے شیشے بھی ٹوٹ گئے۔

فرینکفرٹ میں جنگ عظیم دوّم کا بم برآمد، سینکڑوں لوگ نقل مکانی پر مجبور

غیر ملکی میڈیا کا کہنا ہے کہ رواں برس جنوری میں 2000 افراد کو محفوظ مقام پر منتقل کرنے کے بعد بی ڈی ایس حکام نے ایک بم ناکارہ بنایا تھا، 2017 میں جرمنی کی ایک جیل سے دوسری عالمی جنگ کے زمانے کا بم برآمد ہوا تھا جسے کامیابی سے ناکارہ بنا دیا گیا تھا۔

غیر ملکی میڈیا کا کہنا تھا کہ جرمنی میں بعض دفعہ ایسی جگہوں پر بم برآمد ہوئے ہیں جہاں شہریوں کی بڑی تعداد آباد تھی، گزشتہ برس اگست میں لڈوگ ہیفن میں بم ملا تھا جسے 18 ہزار 5 سو افراد کی نقل مکانی کے بعد ناکارہ بنایا گیا تھا جبکہ ایک جگہ سے 1.4 ٹن وزنی برطانوی بم برآمد ہوا تھا جس کے باعث 70 ہزار افراد کو نقل مکانی کرنی پڑی تھی۔

Comments

comments

یہ بھی پڑھیں