کیلی فورنیا: ڈبلیو ڈبلیو ای نو مرسی میں رومن رینز نے جان سینا کو شکست دے دی، بروک لیسنر یونیورسل ٹائٹل اپنے پاس رکھنے میں کامیاب رہے۔
تفصیلات کے مطابق ڈبلیو ڈبلیو ای کی جانب سے نو مرسی کے نام سے شاندار ایونٹ کا انعقاد کیا گیا جس میں دو بڑے مقابلوں کا مداحوں کو بے صبری سے انتظار تھا۔
جان سینا کو رومن رینز کا چیلنج درپیش تھا جبکہ بروک لیسنر اور برون اسٹرومین مدمقابل آئے۔
رومن رینز اور جان سینا کے درمیان مقابلے سے قبل لفظی جنگ جاری تھی دونوں ریسلرز کی فائٹ کے لیے کنٹریکٹ بھی سائن ہوا تھا تاہم رومن رینز نے جان سینا کے سارے خواب چکنا چور کرکے انہیں شکست سے دوچار کردیا۔
An #F5 seals the deal as @BrockLesnar DEFEATS the #MonsterAmongMen @BraunStrowman! #WWENoMercy #BrockvsBraun #AndStill @HeymanHustle pic.twitter.com/C2wYrSuPEd
— WWE (@WWE) September 25, 2017
دوسرے میچ میں یونیورسل چیمپئن کو بچانے کے لیے بروک لیسنر کو برون اسٹرومین کا چیلنج پیش آیا، بروک لیسنر نے برون اسٹرومین کے درمیان کانٹے دار مقابلہ ہوا دونوں ہی ریسلر ایک دوسرے پر بازی لے جانے کے لیے مصروف تھے تاہم بروک لیسنر نے اپنا آخری داؤ فیٹل فائیو لگا کر برون اسٹرومین کو شکست دے دی۔
Where are you going, @JohnCena?!? #WWENoMercy @WWERomanReigns pic.twitter.com/o7yq43KtFh
— WWE Universe (@WWEUniverse) September 25, 2017
ٹیگ ٹیم چیمپئن شپ ڈین ایمبروز اور سیتھ رولنز نے شیمس اور سیزارو کو ہرا کر ٹائٹل اپنے پاس ہی رکھا، دی مز اور کرٹ اینگل کے بیٹے جیسن جارڈن کے درمیان انٹر کانٹی نینٹل چیمپئن شپ کا مقابلہ ہوا جو دی مز نے جیت لیا۔
فن بیلر اور برے وائٹ کے درمیان ہونے والا میچ فن بیلر نے حیران کن طور پر جیت لیا، کروشل ویٹ چیمپئن شپ کا مقابلہ اینزو امور نے اپنے نام کیا۔
