The news is by your side.

Advertisement

محکمہ وائلڈ لائف نے کچھووں کے خول اورپین گولین کی کھالوں کی اسمگلنگ ناکام بنادی

کراچی: محکمہ وائلڈ لائف سندھ نے خفیہ اطلاع پر چھاپہ مار کر 150 کلو گرام کچھوے کے خول اور 200 کلو گرام پین گولین کی کھالیں برآمد کرلیں۔

تفصیلات کے مطابق محکمہ وائلڈ کے کنورسیٹر تاج محمد شیخ کا کہنا ہے کہ یہ کارروائی کراچی کے علاقے کھڈا مارکیٹ میں خفیہ اطلاع پرکارروائی کرتے ہوئے عمل میں لائی گئی۔ ان کے مطابق یہ کارروائی ٹھٹھہ اور کراچی کی مشترکہ ٹیموں نے انجام دی ہے۔

محکمہ وائلڈ لائف سندھ

کارروائی کے دوران برآمد ہونے والے کچھووں کے خول اور پین گولین کی کھالوں کی قیمت عالمی مارکیٹ میں 90 ہزار امریکی ڈالر یعنی ایک کروڑ 15 لاکھ رو پے پاکستانی سے زائد ہے۔

میڈیا کو جاری کردہ پریس ریلیز کے مطابق کارروائی کرنے والی ٹیم کی سربراہی عدنان حامد خان اور محمد عظیم خان برفت نے مشترکہ طور پر کی ، خفیہ اطلاع تھی کہ کھڈا مارکیٹ میں موجود ایک گاڑی میں یہ خول اور کھالیں موجود ہیں۔

محکمہ وائلڈ لائف کے مطابق برآمد شدہ کھالیں اور کچھوے کے خولوں کو چین برآمد کیا جانا تھا۔ کارروائی کے دوران کوئی بھی گرفتاری عمل میں نہیں آئی ہے اور اسمگلنگ کے اس واقعے میں ملوث ملزمان کی تلاش جاری ہے۔

Comments

comments

یہ بھی پڑھیں