بیجنگ: چین کی کانگریس نے آئین میں ترمیم کرتے ہوئے شی جن پنگ کو ملک کا تاحیات صدر منتخب کرلیا۔
تفصیلات کے مطابق چین کی کانگریس نے آئین میں ترمیم کرتے ہوئے شی جن پنگ کو ملک کا تاحیات صدر منتخب کرلیا، آئینی ترمیم میں تبدیلی کی منظوری نیشنل پیپلز کانگریس نے سالانہ اجلاس کے موقع پر پیش کی۔
ترمیم ایوان میں پیش کی گئی تو 2964 اراکین نے اپنا حق رائے دہی استعمال کیا اور مخالفت میں صرف تین ووٹ آئے جبکہ تین نے اس معاملے پر کوئی رائے دینے سے اجتناب برتا، تاہم موجودہ صدر شی جن پنگ نے روایت کے برخلاف کمیونسٹ پارٹی کانگریس میں اپنے جانشین کا اعلان نہیں کیا تھا۔
چینی صدر نے اپنی سیاسی قوت کو تقویت دینے پر توجہ مرکوز رکھی، پارٹی نے ان کے نام اور سیاسی نظریہ کو آئین کا حصہ بنانے کے حق میں ووٹ دیا، جس کے بعد شی جنگ پنگ کا مرتبہ پارٹی کے بانی ماؤزے تنگ کے برابر پہنچ گیا۔
واضح رہے کہ رواں سال فروری کے آخر میں کانگریس کی جانب سے صدر کے عہدے سے متعلق مقررہ حد ختم کرنے کی تجویز سامنے آئی تھی جس کی بنیاد پر یہ بل ایوان میں پیش کیا گیا ۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں