تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

‘شیاؤمی’ کا اسمارٹ فونز کے بعد نیا مشن

بیجنگ: چینی ٹیکنالوجی کمپنی ‘شیاؤمی’ نے اسمارٹ فونز کے بعد الیکٹرک گاڑیوں کی مارکیٹ میں قدم رکھنے کے لیے تیاری شروع کردی ہے۔

دنیا کی بڑی اسمارٹ فون کمپنیوں میں شمار ہونے والی شیاؤمی گاڑیوں کے شعبے میں قدم رکھنے جارہی ہے، اس سے متعلق خبریں تو ماضی سے مل رہی ہیں لیکن اب حتمی اقدامات اٹھائے جائیں گے۔ مارچ 2021 میں کمپنی نے الیکٹرک گاڑیوں کی تیاری کے لیے 10 ارب ڈالرز کی سرمایہ کاری کا اعلان بھی کیا۔

It's official: Xiaomi starts her own electric car project! | Xiaomi Planet

شیاؤمی نے اب ایک کمپنی کو رجسٹرڈ کرایا ہے جو الیکٹرک گاڑیاں تیار کرے گی، مذکورہ کمپنی نے اس ضمن میں پیش رفت بھی حاصل کرلی، یہ نئی کمپنی ‘شیاؤمی ای وی انکارپوریشن’ کے نام سے کام کرے گی۔

شیاؤمی ای وی انکارپوریشن کی سربراہی شیاؤمی کے بانی لائی جون ہی کریں گے۔ کمپنی کا کہنا ہے کہ گزشتہ کئی ماہ کے دوران صارفین پر کافی تحقیق کی ہے اور شراکت دار بھی بنائے لیکن اب تک گاڑی کا کوئی ماڈل تیار نہیں کیا۔

خیال رہے کہ حال ہی میں شیاؤمی نے ایک کمپنی ‘ڈیپ موشن’ کو خریدنے کا اعلان کیا تھا جو خودکار ڈرائیونگ ٹیکنالوجی پر کام کرنے والی کمپنی ہے تاکہ اپنے الیکٹرک گاڑیوں کے بزنس میں پیشرفت کی جاسکے۔

Comments

- Advertisement -