The news is by your side.

Advertisement

منٹوں میں اسمارٹ فون چارج کریں، نیا چارجر متعارف

بیجنگ: اسمارٹ فون بنانے والی چینی ٹیکنالوجی کمپنی نے منٹوں میں 100 فیصد اسمارٹ فون بیٹری چارج کرنے والا چارجر متعارف کروادیا۔

غیرملکی خبررساں ادارے کی رپورٹ کے مطابق چینی ٹیکنالوجی کمپنی شیاؤمی نے 8 منٹ میں اسمارٹ فون بیٹری چارج کرنے والے 200 واٹ کا چارجر تیار کرنے کا دعویٰ کیا ہے۔

کمپنی کی جانب سے نئی ٹیکنالوجی کی ویڈیو ٹویٹر پر شیئر کرتے ہوئے چارجر کی نمائش بھی کی گئی ہے۔

ٹویٹر پر شیاؤمی کی جانب سے شیئر کی گئی ویڈیو میں 4000 ایم اے ایچ بیٹری کے ایم آئی 11 پرو کو 2000 واٹ کے چارجر سے چارج کرتے ہوئے دکھایا گیا ہے جو 44 سیکنڈ میں اسمارٹ فون کی بیٹری کو 10 فیصد، تین منٹ میں 50 فیصد اور 8 منٹ میں 100 فیصد چارج کرتا ہے۔

واضح رہے کہ اس سے قبل بھی چینی کمپنی کی جانب سے چارجنگ کے لیے 100 واٹ ٹیکنالوجی متعارف کروانے کا اعلان کیا گیا تھا جس کے تحت متعارف کروائی گئی ٹیکنالوجی 17 منٹ میں اسمارٹ فون چارج کردیتی ہے۔

Comments

یہ بھی پڑھیں