ساؤتھ انڈین فلموں کے سپر اسٹار یش نے بالی ووڈ کنگ شاہ رخ خان سے موازنے پر خاموشی توڑ دی ہے۔
بھارتی میڈیا رپورٹ کے مطابق حال ہی میں شو ’آپ کی عدالت‘ میں انٹرویو کے دوران میزبان رجٹ شرما نے یش سے سوال کیا کہ آپ شاہ رخ خان کے بہت بڑے مداح ہیں، آپ ان سے ملنا چاہتے تھے اور جب انہوں نے آپ کو وقت نہیں دیا تو کیا آپ نے اپنی فلم ’’کے جی ایف‘‘ کو ان کی فلم ’’زیرو‘‘ کے ساتھ ٹکرانے کا فیصلہ کرلیا؟‘
جواب میں یش نے کہا کہ ہماری فلم چھوٹی تھی اور شاہ رخ سر کی فلم بہت بڑی تھی، اس لیے ہم نے اسی دن اپنی فلم ریلیز کردی۔
ادکار نے کہا کہ شاہ رخ خان سپر اسٹار ہیں اور جس دن میں یہ سوچنے لگوں کہ میں اپنے سینئرز سے بڑا ہوں اسی دن میرا کیریئر ختم سمجھیں۔
I don’t understand why people are always trying to put SRK down. just listen to Yash, he’s still an SRKian & the way he spoke about King @iamsrk with so much love & respect says everything. pic.twitter.com/AooIw3DDJd
— Nidhi (@SrkianNidhiii) August 13, 2026
واضح رہے کہ یش کی فلم کے جی ایف چیپٹر ون کا شاہ رخ خان کی فلم زیرو سے ٹکراؤ ہوا تھا اور یش کی فلم نے 338 کروڑ کا بزنس کیا اور ’زیرو‘ باکس آفس پر ناکام ثابت ہوئی تھی۔
Lifestyle News – Latest Entertainment News, Celebrity Gossip
یش کی آنے والی فلم ’ٹاکسک‘ ہے جس کی ہدایت کاری کے فرائض گیتو موہن داس نے انجام دیے ہیں جبکہ اس کی کاست میں کیارا ایڈوانی، نین تارا، رکمنی وسنتھ، تارا ستاریا اور ہما قریشی شامل ہیں، فلم 26 اگست 2026 کو بڑے پردے کی زینت بنے گی۔
