The news is by your side.

Advertisement

یاسمین راشد کا ڈینگی مہم ایس او پیز پر عمل نہ کرنے پر سخت کارروائی کا حکم

لاہور: وزیر صحت پنجاب ڈاکٹر یاسمین راشد نے ڈینگی مہم ایس او پیز پر عمل نہ کرنے پر سخت کارروائی کا حکم دے دیا۔

تفصیلات کے مطابق وزیرصحت پنجاب کی زیر صدارت انسداد ڈینگی مہم سے متعلق اجلاس ہوا جس میں انسداد ڈینگی مہم کی سرگرمیوں کا جائزہ لیا گیا۔اجلاس میں سیکرٹری صحت نے صوبے میں ڈینگی مہم کی سرگرمیوں کی تفصیلات سے آگاہ کیا۔

اس موقع پر ڈاکٹر یاسمین راشد کا کہنا تھا کہ کمشنرز،ڈی سی علاقوں میں ایس او پیز پر سختی سے عملدرآمد کروائیں،متاثرہ علاقہ جات میں مانیٹرنگ کو مزید سخت کیا جائے۔

وزیر صحت پنجاب نے کہا کہ ڈینگی وبا پر قابو پانے کے لیے تمام تر وسائل بروئے کار لائے جا رہے ہیں،پنجاب ہیلتھ کیئر کمیشن ایس او پیز پر مکمل عملدرآمدکے لیے متحرک ہے۔

انہوں نے کہا کہ شہری اپنے گھروں اور بزنس پوائٹس کو صاف ستھرا رکھیں،انسداد ڈینگی مہم میں کسی قسم کی کوتاہی برداشت نہیں کی جائے گی۔

ڈاکٹر یاسمین راشد کا کہنا تھا کہ اگلے ہفتے انسداد ڈینگی مہم کی سرگرمیوں کا دوبارہ جائزہ لیا جائے گا۔ انہوں نے ڈینگی مہم ایس او پیز پر عمل نہ کرنے پر سخت کارروائی کا حکم دے دیا۔

Comments

یہ بھی پڑھیں