وزیرِ صحت پنجاب یاسمین راشد نے اے آر وائی نیوز کی خبر کا نوٹس لے لیا -
The news is by your side.

Advertisement

وزیرِ صحت پنجاب یاسمین راشد نے اے آر وائی نیوز کی خبر کا نوٹس لے لیا

لاہور: صوبائی وزیرِ صحت ڈاکٹر یاسمین راشد نے اے آر وائی نیوز کی خبر کا نوٹس لے لیا، دل میں سوراخ والی 3 بہنوں کے فوری علاج کا حکم جاری کر دیا گیا۔

تفصیلات کے مطابق اے آر وائی نیوز نے تین بہنوں کی خبر نشر کی تھی جن کے دل میں سوراخ ہے، خبر پر وزیر صحت پنجاب نے فوری ایکشن لے لیا۔

وزیر صحت نے فوری طور پر بچیوں کے مکمل علاج کے لیے ہدایات جاری کردی ہیں، علاج کا آغاز چائلڈ اسپیشلسٹ ڈاکٹر جویریہ منان کے چیک اپ سے کیا جائے گا۔

ڈاکٹر یاسمین راشد کی ہدایات کے مطابق دل کی سوراخ والی تینوں بچیوں کا طبی معائنہ پنجاب انسٹیٹیوٹ آف کارڈیالوجی میں بھی کرایا جائے گا۔

صوبائی وزیرِ صحت نے بیماری کو موروثی قرار دیتے ہوئے کہا کہ تینوں بہنوں کا ایک جیسے مرض کا شکار ہونا دراصل موروثی مسئلہ ہے۔


پہلے 100 دن میں صحت کے محکمے میں انقلابی تبدیلی نظر آئے گی: ڈاکٹر یاسمین راشد


ڈاکٹر یاسمین راشد نے کہا کہ بچیوں کا سابقہ میڈیکل ریکارڈ دیکھ کرعلاج کروایا جائے گا۔ خیال رہے کہ بچیوں کا مسئلہ اے آر وائی نیوز نے اٹھایا تھا۔

واضح رہے کہ یاسمین راشد نے کہا تھا کہ پہلے 100 دن میں صحت کے محکمے میں انقلابی تبدیلی لائی جائے گی، ان کا کہنا تھا کہ ہیلتھ کارڈ پنجاب میں بھی دیا جائے گا۔

Comments

comments

یہ بھی پڑھیں