The news is by your side.

Advertisement

نواز شریف سزا یافتہ قیدی ہیں انہیں صرف علاج کے لیے ضمانت ملی: یاسمین راشد

لاہور: صوبہ پنجاب کی وزیر صحت ڈاکٹر یاسمین راشد کا کہنا ہے کہ نواز شریف سزا یافتہ قیدی ہیں انہیں علاج کے لیے ضمانت ملی، نواز شریف جلد علاج کروا کر واپس تشریف لائیں۔

تفصیلات کے مطابق صوبہ پنجاب کی وزیر صحت ڈاکٹر یاسمین راشد کا کہنا ہے کہ ہم نے میڈیکل میں 26 ہزار نوکریاں دی ہیں، پبلک سروس کمیشن کے ذریعے 500 میل نرس رکھے ہیں، کوشش کر رہے ہیں میل وارڈ میں نرسنگ کی کمی پوری کریں۔

یاسمین راشد کا کہنا تھا کہ 10 ہزار نئی نوکریاں پائپ لائن میں ہیں، اس سال کے آخر تک 35 ہزار نئی نوکریاں دیں گے۔ 35 ہزار نوکریوں کا مطلب ہے 35 ہزار خاندانوں میں نوکریاں دیں گے۔ میانوالی کا 200 بیڈ پر مشتمل اسپتال شروع ہوگیا ہے۔

انہوں نے کہا کہ مدر اینڈ چائلڈ اسپتال اور کارڈیالوجی ان سب کا پی سی ون منظور ہوگیا۔ جو 9 اسپتالوں کی ہم بات کرتے تھے ان میں سے 3 پر کام شروع ہوچکا ہے۔ مزید 3 اسپتالوں کے پی سی ون منظور ہو چکے ہیں، باقی 3 بھی مکمل ہوں گے۔

صوبائی وزیر کا کہنا تھا کہ کبھی غلط بیانی نہیں کی اور نہ آئندہ ایسا کوئی ارادہ ہے، نواز شریف کو بیرون ملک علاج کروانے کا وقت دیا گیا تھا۔ 25 دسمبر کو خواجہ حارث نے رپورٹ جمع کروائی۔ محکمہ داخلہ نے رپورٹ 27 تاریخ کو ہمیں بھجوائی۔ 3 جنوری کو بورڈ نے رپورٹس دیکھیں تو وہ ناکافی تھیں۔

انہوں نے کہا کہ نواز شریف سے متعلق رپورٹ محض ایک سمری پر مبنی تھی، 25 دسمبر تک نواز شریف کے پی ای ٹی اسکین کی رپورٹ نہیں آئی، 13 جنوری تک کوئی ہمارے پاس رپورٹ لے کر نہیں آیا۔ نواز شریف کو میڈیکل رپورٹس برطانوی ہائی کمیشن کو دینی ہیں۔

یاسمین راشد کا کہنا تھا کہ نواز شریف سزا یافتہ قیدی ہیں انہیں علاج کے لیے ضمانت ملی، ہمارا اصرار ہے نواز شریف جلد علاج کروا کر واپس تشریف لائیں۔

fb-share-icon0
Tweet 20

Comments

comments

یہ بھی پڑھیں