site
stats
عالمی خبریں

یمن میں عرب اتحادی فضائیہ کی بمباری،14افرادہلاک

صنعا: سعودی عرب کی سربراہی میں اتحادی فوج نے یمن میں فضائی بمباری کی جس کے نتیجے میں 14 افراد ہلاک اور 11 زخمی ہوگئے۔

تفصیلات کےمطابق فضائی حملے میں عرب اتحادی فضائیہ نےیمن میں ایک تیل بردار ٹرک کو نشانہ بنایاجس کے نتیجے میں 14 افراد ہلاک اور دیگر 11 زخمی ہوگئے۔

یارمن اسپتال کے میڈیکل رضاکاروں کا کہنا تھا کہ اسپتال میں 10 لاشیں لائی گئیں جن میں ایک فوجی کی تھی۔

اسپتال انتظامیہ کے مطابق 15 زخمیوں کو علاج کےلیےاسپتال منتقل کیا گیا تھاجس میں بیشتر کی حالت تشویشناک تھی بعد ازاں علاج کے دوران زخموں کی تاب نہ لاتے ہوئے4 افراد ہلاک ہوگئے۔

دوسری جانب عرب اتحاد کے ترجمان بریگیڈیئر جنرل احمد العسیری کا کہنا تھا کہ مذکورہ گاڑیوں کا قافلہ حوثی جنگجوؤں اور دیگر عسکریت پسندوں کو اسلحہ اور گولہ باردو کی فراہمی کےلیےجارہا تھا۔

خیال رہے کہ اقوام متحدہ کے مطابق یمن میں عرب اتحاد کی فضائی کارروائی شروع ہونے سے اب تک ساڑھے 6 ہزار سے زائد افراد ہلاک ہوچکے ہیں۔

مزید پڑھیں:یمن میں سعودی اتحادی فضائیہ کی بمباری،60 افراد ہلاک

یاد رہے کہ سعودی عرب کی سربراہی میں اتحادی فوج کی جانب سے یمن کے مغربی علاقے میں حوثی باغیوں کے ٹھکانے پر متعدد فضائی حملوں کے نتیجے میں 60افراد ہلاک ہوگئے تھے۔

واضح رہے کہ عرب اتحاد یمنی صدر منصور ہادی کی حمایت میں 18 ماہ سے یمن میں باغیوب کے خلاف فضائی کارروائیاں جاری ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top