تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

یمن میں فورسز کی اہم کارروائی، باغیوں کا اسلحہ ڈپو قبضے میں لے لیا

صنعا: یمن میں سرکاری فورسز نے اہم کارروائی کرتے ہوئے حوثی باغیوں کا اسلحہ ڈپو اپنے قبضے میں لے لیا۔

تفصیلات کے مطابق سعودی عسکری اتحاد کی حمایت یافتہ یمنی فوج نے صوبہ صعدہ میں اہم کارروائی کرتے ہوئے اسلحہ ڈپو قبضے میں لیا، جہاں سے جدید خودکار ہتھیار سمیت بڑی تعداد میں میزائل بھی برآمد ہوئے۔

غیر ملکی خبر رساں ادارے کے مطابق یمنی فوج کی جانب سے صعدہ میں کامیاب کارروائیاں جاری ہیں، عسکری حکام نے متعدد علاقوں میں جلد مکمل کنٹرول حاصل کرنے کی یقین دہانی کرائی ہے۔

دوسری جانب سعودی عسکری اتحاد نے بھی صوبے کے مختلف ضلعوں میں حوثی باغیوں کے ٹھکانوں پر شدید بمباری کی، جس کے باعث متعدد باغیوں کی ہلاکتوں کی اطلاعات ہیں۔

علاوہ ازیں شمالی صوبے لحج کے ضلعے القبیطہ میں یمنی فوج نے باغیوں کے زیر قبضہ نئے ٹھکانے آزاد کرا لیے، اور فورسز کی کامیاب پیش قدمی جاری ہے۔

یمن میں جنگ بندی، حوثی باغیوں اور سرکاری فورسز کے درمیان جھڑپیں ختم

مقامی میڈیا کا کہنا ہے کہ حوثی باغیوں اور یمنی فوج کے درمیان اس گھمسان کی لڑائی میں باغی حوثی ملیشیا کے درجنوں جنگجو ہلاک اور زخمی ہوئے جبکہ عسکری ساز و سامان کو بھی شدید نقصان پہنچا۔

خیال رہے کہ گذشتہ ہفتے یمنی فورسز اور حوثی باغیوں کے درمیان جنگ بندی کا اعلان کیا گیا تھا، بعد ازاں دونوں فریقین نے ایک دوسرے کے خلاف حملے بھی روک دیے تھے۔

جنگ بندی کے معاہدے کے بعد بین الاقوامی طور پر تسلیم شدہ یمنی صدر عبدالربو منصور ہادی نے اپنی افواج کو الحدیدہ شہر اور صوبے میں کسی قسم کی خلاف ورزی نہ کرنے کا حکم دیا تھا۔

Comments

- Advertisement -