حوثی باغیوں کا بیلسٹک میزائل حملہ سعودی عسکری اتحاد نے ناکام بنا دیا: Rebels
The news is by your side.

Advertisement

حوثی باغیوں کا بیلسٹک میزائل حملہ سعودی عسکری اتحاد نے ناکام بنا دیا

ریاض: سعودی عسکری اتحاد نے حوثی باغیوں کی جانب سے سعودی شہر جازان پر داغا گیا میزائل ایک بار پھر ناکام بنا دیا۔

تفصیلات کے مطابق ایران نواز حوثی باغیوں کی جانب سے گذشتہ ہفتے بھی جازان پر میزائل داغا گیا تھا جسے جوابی کارروائی میں عسکری اتحاد نے تباہ کردیا تھا۔

عرب میڈیا کے مطابق حوثی باغیوں نے سعودی عرب کے جنوبی شہروں کی جانب بیلسٹک میزائلوں سے حملے تیز کردیے ہیں جبکہ سعودی اتحاد کی فورسز بھی بھرپور جوابی کارروائی کر رہی ہیں۔

دوسری جانب یمنی حکام نے موقف اختیار کیا ہے کہ ایران مسلسل حوثی باغیوں کی دہشت گردانہ کارروائیوں کے لیے مدد فراہم کررہا ہے۔

حکام کے مطابق ایران کی یہ حکمت عملی عالمی قوانین کے بھی خلاف ہے۔قبل ازیں سعودی اتحاد بھی ایران پر الزام عائد کر چکا ہے کہ وہ باغیوں کو میزائل سپلائی کرتا ہے۔

سعودی عرب پر داغا گیا بلیسٹک میزائل فضا میں تباہ

واضح رہے کہ گذشتہ ماہ بھی سعودی فضائیہ نے یمن میں برسرپیکار حوثیوں کی جانب سے سعودی عرب کے سرحدی علاقے جازان پر داغا گیا بیلسٹک میزائل فضا میں ہی تباہ کردیا تھا۔

حوثی باغیوں نے سنہ 2014 میں یمنی حکومت کے خلاف مسلح تحریک شروع کی تھی جس کے بعد سے مسلسل سعودی عرب کے شہر جازان اور نجران پر بیلسٹک میزائل فائر کیے جاتے ہیں۔

یاد رہے کہ امریکا میں تعینات سعودی عرب کے سفیر کہہ چکے ہیں کہ خطے کے امن کو سبوتاژ کرنے والی ایرانی حکومت حوثی جنگجوؤں کو جنگی سامان کی فراہمی کے ساتھ ساتھ لبنان کی مسلح سیاسی جماعت حزب اللہ کے جنگوؤں سے تربیت بھی دلوا رہی ہے۔

Comments

comments

یہ بھی پڑھیں